តោះម្នាក់មួយម៉ាត់ៗ រវាងថុល មករា និងឃីម បូរ៉ា មួយណាសម្រេចគោលដៅ
- ភ្នំពេញ
រាជធានីភ្នំពេញ ៖ កម្មវិធីប្រកួតប្រដាល់អន្តរជាតិនៅលើសង្វៀនទូរទស្សន៍ MyTV ថ្ងៃសុក្រ ទី១១ ឧសភា នេះ កីឡាករកម្ពុជា២រូបត្រូវគេដាក់ឱ្យប្រកួតជាមួយកីឡាករថៃ ។…
រាជធានីភ្នំពេញ ៖ កម្មវិធីប្រកួតប្រដាល់អន្តរជាតិនៅលើសង្វៀនទូរទស្សន៍ MyTV ថ្ងៃសុក្រ ទី១១ ឧសភា នេះ កីឡាករកម្ពុជា២រូបត្រូវគេដាក់ឱ្យប្រកួតជាមួយកីឡាករថៃ ។…
រាជធានីភ្នំពេញ ៖ កម្មវិធីប្រកួតប្រដាល់អន្តរជាតិនៅលើសង្វៀនទូរទស្សន៍ MyTV ថ្ងៃសុក្រ ទី១១ ឧសភា នេះ កីឡាករកម្ពុជា២រូបត្រូវគេដាក់ឱ្យប្រកួតជាមួយកីឡាករថៃ ។ អ្នកនិយមទស្សនាកីឡាប្រដាល់ភាគច្រើនកំពុងតែទន្ទឹងរង់ចាំមើលថា តើកីឡាករ
កម្ពុជាទាំង២រូបនេះមួយណាសម្រេចគោលដៅខណៈកីឡាករថៃដែលពួកគេត្រូវជួបនាពេលនេះហាក់មានសមត្ថភាពពិបាកផ្ដួលអ៊ីចឹងនោះ ។
កីឡាករ ថុល មករា មកពីក្លិបឃ្លាំងមឿងកីឡា មានប្រវត្តិប្រកួត៨៤ដង ឈ្នះ៥៥ដង ស្មើ២ដង ចាញ់២៧ដង និងធ្លាប់ផ្ដួលគូប្រកួតឱ្យសន្លប់១៨ដង ត្រូវជួបប្រកួតជាមួយកីឡាករថៃឈ្មោះគៀតភេត សួនអាហានពិកម៉ៃក្នុងប្រភេទទម្ងន់៦៣,៥គីឡូក្រាម ។ កីឡាករ
ថៃរូបនេះមានប្រវត្តិប្រកួត៨៥ដង ឈ្នះ៧០ដងស្មើ៣ដង ចាញ់១២ដង និងធ្លាប់ផ្ដួលគូប្រកួតឱ្យសន្លប់២០ដង។
ចំណែកកីឡាករ ឃីម បូរ៉ា មកពីក្លិបរស្មីភូមិគាបខេត្តបន្ទាយមានជ័យ មានប្រវត្តិប្រកួត៧៨ដង ឈ្នះ៥៣ដង ស្មើ១ដង ចាញ់២៤ដងនិងធ្លាប់ផ្ដួលគូប្រកួតឱ្យសន្លប់២០ដងត្រូវ
ជួបប្រកួតជាមួយកីឡាករថៃឈ្មោះស៊ីងផ្សាក់ស៊ីតប៉ានសក្ដិ ក្នុងប្រភេទទម្ងន់៦០គីឡូក្រាម ។
កីឡាករថៃរូបនេះមានប្រវត្តិប្រកួត៦៧ដងឈ្នះ៥២ដង ស្មើ២ដង ចាញ់១៣ដង និងធ្លាប់ផ្ដួលគូប្រកួតឱ្យសន្លប់១២ដង។
ក្រៅពីគូអន្តរជាតិក៏មានគូមិត្តភាពរវាងកីឡាករកម្ពុជានិងកម្ពុជាដែលសុទ្ធតែជាជើងខ្លាំងមិនធម្មតានៅក្នុងពិភពប្រដាល់ផងដែរ ។ កីឡាករ ឡុក ឡាក់ មកពីក្លិបមកុដរាជសីហ៍ត្រូវជួបប្រកួតជាមួយកីឡាករ វង្ស និត មកពីក្លិបអេភូថងកីឡា និងកីឡាករ ឡូញ វ៉ាន់ឌី មកពីក្លិបពន្លឺវិបុលរិទ្ធី ប្រកួតជាមួយកីឡាករ ផៃ គឹមហឿត មកពីក្លិបគីសែមានរិទ្ធ៕
ចែករំលែកព័តមាននេះ