ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា បុរសមិនស្គាល់អត្តសញ្ញាណម្នាក់បានយកកាំបិតបុ័ងតោអារ.កខ្លួនឯង ធ្វើអត្តឃាតយ៉ាងរន្ធត់ ហើយត្រូវអ្នកភូមិដឹកទៅសង្គ្រោះបន្ទាន់ ហេតុការណ៍នេះបង្កឲ្យមានការភ្ញាក់ផ្អើល កាលពីព្រឹកថ្ងៃទី១១ ឧសភា ២០១៨…
ខេត្តមណ្ឌលគិរី ៖ បើតាមសេចក្តីរាយការណ៍បានឱ្យដឹងថា បុរសមិនស្គាល់អត្តសញ្ញាណម្នាក់បានយកកាំបិតបុ័ងតោអារ.កខ្លួនឯង ធ្វើអត្តឃាតយ៉ាងរន្ធត់ ហើយត្រូវអ្នកភូមិដឹកទៅសង្គ្រោះបន្ទាន់ ហេតុការណ៍នេះបង្កឲ្យមានការភ្ញាក់ផ្អើល កាលពីព្រឹកថ្ងៃទី១១ ឧសភា ២០១៨ ស្ថិតក្នុងភូមិភូមិឆ្នែង ឃុំស្រែខ្ទុម ស្រុកកែវសីមា ។
ប្រភពពីម្ចាស់ចំការដំឡូងមីម្នាក់បានប្រាប់ថា បុរសខាងលើជាកម្មកររបស់គាត់ តែមិនបានស្គាល់ឈ្មោះនោះទេ ។ ហើយមុនកើតហេតុ ជនរងគ្រោះបានទៅចំការស៊ីឈ្នួលដាំដំឡូងឲ្យគាត់ (ម្ចាស់ចម្ការ) តែបានត្រឡប់ទៅផ្ទះវិញមុនគេ ថែមទាំងផឹកស្រាមិនដឹងជាកើតរឿងអីនោះទេ បន្តិចក្រោយមកស្រាប់តែជនរងគ្រោះនេះក៏យកកាំបិតអារ.កខ្លួនឯងតែម្តង ក្រោយពេលកើតហេតុជនរងគ្រោះត្រូវបានអ្នកភូមិដឹកទៅសង្គ្រោះបន្ទាន់នៅមណ្ឌលសុខភាពអូរអាម ។
តាមក្រុមគ្រូពេទ្យប្រាប់ថា ជនរងគ្រោះមានសភាពធ្ងន់ធ្ងរខ្លាំងណាស់ និងសង្ឃឹមតិចតួចបំផុត។ ហើយនៅម៉ោងប្រមាណ១រសៀលថ្ងៃដដែល គេបានឃើញក្រុមគ្រួសារជនរងគ្រោះទៅដល់ និងបានដឹកជនរងគ្រោះចេញពីមណ្ឌលសុខភាពយ៉ាងប្រញ៉ាប់ប្រញាល់ តែគេមិនដឹងថា ទៅណាឡើយ ។
ចែករំលែកព័តមាននេះ