ខេត្តកំពង់ធំ ៖ ម៉ូតូមួយគ្រឿងបុកគូទរថយន្តបណ្តាលឱ្យស្លាប់ម្នាក់បានកើតឡើងកាលពីវេលាម៉ោង៤និង៤៥នាទីល្ងាច ថ្ងៃទី១០ ខែឧសភា ឆ្នាំ២០១៨ ស្ថិតនៅលើកំណាត់ផ្លូវជាតិលេខ៦ ចន្លោះគីឡូម៉ែត្រលេខ១៤២-១៤៣ ក្នុងភូមិជ័យជំនះ ឃុំកកោះ…
ខេត្តកំពង់ធំ ៖ ម៉ូតូមួយគ្រឿងបុកគូទរថយន្តបណ្តាលឱ្យស្លាប់ម្នាក់បានកើតឡើងកាលពីវេលាម៉ោង៤និង៤៥នាទីល្ងាច ថ្ងៃទី១០ ខែឧសភា ឆ្នាំ២០១៨ ស្ថិតនៅលើកំណាត់ផ្លូវជាតិលេខ៦ ចន្លោះគីឡូម៉ែត្រលេខ១៤២-១៤៣ ក្នុងភូមិជ័យជំនះ ឃុំកកោះ ស្រុកសន្ទុក ខេត្តកំពង់ធំ ។
តាមប្រភពពីសមត្ថកិច្ចបានឲ្យដឹងថា មុនពេលកើតហេតុ ម៉ូតូមួយគ្រឿងបើកក្នុងល្បឿនលឿនបានបុកគូទរថយន្តដែលឈប់ចតនៅលើទ្រូងផ្លូវក្នុងទិសដៅស្របគ្នាពីត្បូងទៅជើង បណ្ដាលឲ្យបុរសម្នាក់ដែលមិនបានពាក់មួកសុវត្ថិភាពជិះម៉ូតូម៉ាកហុងដាវេវ ពណ៌ខ្មៅពាក់ ស្លាកលេខ ភ្នំពេញ ១AI-៥៧០៤ ឈ្មោះ ហួត រស់ អាយុ២៤ឆ្នាំ រស់នៅភូមិទួលវិហារ ឃុំជ្រាប់ ស្រុកសន្ទុក ខេត្តកំពង់ធំ បានស្លាប់នៅនឹងកន្លែងកើតហេតុ ។ ចំណែករថយន្តដែលឈប់ចតនៅលើទ្រូងផ្លូវម៉ាកហ៊ីយ៉ាន់ដាយ ពណ៌ស ពាក់ស្លាកលេខ ស្វាយរៀង ៣A-០៤០៩ បើកបរដោយឈ្មោះ ឆុង សុគន្ធា ភេទប្រុស អាយុ២៦ឆ្នាំ នៅភូមិកំពង់រការ ឃុំកណ្តៀង ស្រុកកណ្តៀង ខេត្តពោធិ៍សាត់ ត្រូវបានសមត្ថកិច្ចនាំខ្លួនទៅអធិការដ្ឋាននគបាលស្រុកសន្ទុក រីឯរថយន្ត និងម៉ូតូត្រូវបានយកទៅរក្សាទុកនៅអធិការដ្ឋាននគបាលស្រុកសន្ទុកដើម្បីដោះស្រាយតាមនីតិវិធី ៕
ចែករំលែកព័តមាននេះ