ខេត្តបន្ទាយមានជ័យ ៖ ប្រជាពលរដ្ឋភៀសសឹកនៅខេត្តបន្ទាយមានជ័យ គិតត្រឹមរសៀលថ្ងៃទី១២ ខែធ្នូ ឆ្នាំ២០២៥ បានកើនដល់ ៣២ ៨០៤គ្រួសារ ស្មើនឹង…
ខេត្តបន្ទាយមានជ័យ ៖ ប្រជាពលរដ្ឋភៀសសឹកនៅខេត្តបន្ទាយមានជ័យ គិតត្រឹមរសៀលថ្ងៃទី១២ ខែធ្នូ ឆ្នាំ២០២៥ បានកើនដល់ ៣២ ៨០៤គ្រួសារ ស្មើនឹង ១១២,៦៩៩នាក់ (ស្ត្រី ៥៨,០៤៧នាក់) និងកុមារមានរហូតដល់ ៣៤,៤៩៣នាក់ ដោយសារការឈ្លានពានរបស់យោធាថៃឈ្លានពានទឹកដីកម្ពុជា ចាប់តាំងពីថ្ងៃទី០៧ ខែធ្នូ ឆ្នាំ២០២៥ កន្លងមក នេះបើយោងតាមរបាយការណ៍របស់រដ្ឋបាលខេត្តបន្ទាយមានជ័យ ។
យោងតាមទីភ្នាក់ងារសារព័ត៌មានកម្ពុជា បានឲ្យដឹងថា ជាក់ស្តែងនៅក្នុងជំរំជនភៀសសឹកមួយស្ថិតភូមិចម្ការតាដោក ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ដែលបានភៀសសឹក មកពីក្រុងប៉ោយប៉ែត និងពីតាមតំបន់ជាប់ព្រំដែន មានជនភៀសសឹកចំនួន ១៥ ២៧០នាក់ ក្នុងមានកុមាររហូតដល់ ៥ ៥១១នាក់ ។
សូមរំលឹកថា ថៃបានបើកការបាញ់ប្រហារ និងទម្លាក់គ្រាប់បែក ដោយមិនរើសមុខ មិនរើសទីតាំង ដើម្បីឈ្លានពានបូរណភាពទឹកដីកម្ពុជា ចាប់តាំងពីថ្ងៃទី០៧ ខែធ្នូ ឆ្នាំ២០២៥ ដែលបណ្តាលឱ្យជនស៊ីវិលស្លាប់ ១១នាក់ និងរបួស ៥៩នាក់ (គិតត្រឹមថ្ងៃទី១២ ខែធ្នូ ឆ្នាំ២០២៥) និងខូចខាតផ្ទះសម្បែងប្រជាពលរដ្ឋ ព្រមទាំងហេដ្ឋារចនាសម្ព័ន្ធស៊ីវិលជាច្រើនកន្លែង ខណៈដែលកម្ពុជាបានប្រើប្រាស់សិទ្ធិការពារខ្លួន ការពារអធិបតេយ្យភាពជាតិ តបតទៅវិញ បន្ទាប់ពីអត់ធ្មត់អស់រយៈពេលជាង២៤ម៉ោង ៕
ចែករំលែកព័តមាននេះ