ខេត្តបាត់ដំបង ៖ សេចក្ដីរាយការណ៍ជំហានដំបូងបានឱ្យដឹងថា ខ្យល់កន្ត្រាក់បានវាយប្រហារទៅលើលំនៅឋានប្រជាពលរដ្ឋ បណ្ដាលឱ្យខូចខាតអស់ចំនួន៨ខ្នង កាលពីវេលាម៉ោង០៣ និង៣០នាទីរសៀលថ្ងៃទី១០ឧសភា ស្ថិតនៅស្រុកគាស់ក្រឡ តែមិនបង្កគ្រោះថ្នាក់ដល់មនុស្សនោះទេ ។…
ខេត្តបាត់ដំបង ៖ សេចក្ដីរាយការណ៍ជំហានដំបូងបានឱ្យដឹងថា ខ្យល់កន្ត្រាក់បានវាយប្រហារទៅលើលំនៅឋានប្រជាពលរដ្ឋ បណ្ដាលឱ្យខូចខាតអស់ចំនួន៨ខ្នង កាលពីវេលាម៉ោង០៣ និង៣០នាទីរសៀលថ្ងៃទី១០ឧសភា ស្ថិតនៅស្រុកគាស់ក្រឡ តែមិនបង្កគ្រោះថ្នាក់ដល់មនុស្សនោះទេ ។
សមត្ថកិច្ចបានឱ្យដឹងទៀតថា ខ្សល់កន្ត្រាក់នោះ បានប៉ះទង្កិចទៅលើភូមិចំនួន២ គឺភូមិព្រៃចក និងភូមិកុយវែង ស្ថិតក្នុងឃុំព្រះផុស ស្រុកគាស់ក្រឡ ដែលបណ្ដាលឲ្យរបើកដំបូលផ្ទះ និងជញ្ជាំងសរុបអស់ចំនួន៨
ខ្នង ។
ប្រភពពីប្រជាពលរដ្ឋបានឱ្យដឹងដែរថា ពេលនោះមានភ្លៀងធ្លាក់ជាមធ្យម តែបង្កឱ្យមានខ្យល់កន្ត្រាក់វាយប្រហារយ៉ាងខ្លាំងដែលប៉ះទង្កិចទៅលើភូមិចំនួន២ខាងលើនេះ ។ ប្រភពដដែលបានបញ្ជាក់ថា
តែសំណាងល្អ មិនបង្កគ្រោះថ្នាក់ដល់មនុស្ស គ្រាន់តែធ្លាយជញ្ជាំងផ្ទះ និងរលំដើមឈើ ។ ពេលនេះ
អាជ្ញាធរនិងមន្ត្រីជំនាញ កំពុងចុះពិនិត្យដើម្បីធ្វើរបាយការណ៍ជួនថ្នាក់ដឹកនាំ ដើម្បីជួយសង្គ្រោះជាបឋម ៕
ចែករំលែកព័តមាននេះ