រាជធានីភ្នំពេញ ៖ ក្រសួងបរិស្ថានរៀបចំសន្និសីទសារព័ត៌មានទាក់ទងនឹងការទិញសត្វព្រៃមកធ្វើម្ហូប ហើយបានបង្ហោះក្នុងប្រព័ន្ធបណ្តាញសង្គម ។ អ្នកស្រី ចាន់ ប៉ូលីន បានចូលសារភាព ជាមួយគ្រួសារ…
រាជធានីភ្នំពេញ ៖ ក្រសួងបរិស្ថានរៀបចំសន្និសីទសារព័ត៌មានទាក់ទងនឹងការទិញសត្វព្រៃមកធ្វើម្ហូប ហើយបានបង្ហោះក្នុងប្រព័ន្ធបណ្តាញសង្គម ។ អ្នកស្រី ចាន់ ប៉ូលីន បានចូលសារភាព ជាមួយគ្រួសារ និងទទួលកំហុស ចំពោះការប្រព្រឹត្តនេះនៅរសៀលថ្ងៃទី១០ ខែឧសភា ឆ្នាំ២០១៨ ជាមួយសមត្ថកិច្ចពាក់ព័ន្ធនៅក្រសួងបរិស្ថាន ។
មុនពេលចាប់ផ្តើមសន្និសីទសារព័ត៌មានក្រុមមន្ត្រីជំនាញនៃក្រសួងបរិស្ថានបានឲ្យប្តីប្រពន្ធសរសេរពីប្រវត្តិរូបដាក់ឈ្មោះ ពួកគេទីតាំងដែលគេបានប្រព្រឹត្ត។ មន្ត្រីបានអះអាងថា កោះហៅពួកគេមកនេះ ដើម្បីឲ្យពួកគេបញ្ជាក់ជាសាធារណៈពីអ្វីដែលបានធ្វើ និងប៉ះពាល់ដល់សត្វព្រៃ ។ ទោះបីជាពួកគេការបង្ហោះក្នុងបណ្តាញសង្គមគ្រាន់តែត្រូវបានគេជេរ ហើយមិនមកសន្យាមិនធ្វើបន្តទេ អាចប៉ះពាល់ស្ថាប័នរដ្ឋផងដែរ ។
មន្ត្រីបានអះអាងថា ៖ ក្រោយពេលពួកគេសារភាព គឺចប់រឿងហើយ” ។ មន្ត្រីក្រសួងបរិស្ថានបានលើកឡើងថា ប្តីប្រពន្ធនេះបានទិញសត្វព្រៃងាប់យកធ្វើម្ហូបតែបានថតបង្ហោះតាមបណ្តាញសង្គមហ្វេសប៊ុក ។
ក្រោយពីមានការរិះគន់តាមបណ្តាញសង្គមហ្វេសប៊ុកពួកគេបានចូលមកសារភាព ។ នៅចំពោះមុខអ្នកសារព័ត៌មានប្តីប្រពន្ធត្រូវបានមន្ត្រីឲ្យផ្តិតមេដៃ លើកិច្ចសន្យា ។ ប្តីប្រពន្ធមួយគូដែលមានបំណងស្វែងរកលុយតាមយូធូប (Youtube) គឺលោកគង់ រ៉ាទីជាប្តី និងប្រពន្ធឈ្មោះចាន់ ប៉ូលីន បានចូលសារភាពនៅក្រសួងបរិស្ថានថា ពួកគាត់បានយកសត្វមាន់ទោដែលជាសត្វស្រុកមិនមែនជាសត្វព្រៃទេ ។ លោកបានលើកឡើងថា នៅពេលដែលសមត្ថកិច្ចបានណែនាំរួច លោកសន្យាថា មិនធ្វើបែបនេះទៀតទេ ។
បុរសជាប្តីបានលើកឡើងទៀតថា ៖ពួកគេមានទីលំនៅសង្កាត់ពាន់សាំង ខណ្ឌព្រៃកព្នៅបានលើកឡើងថា សូមទោសចំពោះការប្រព្រឹត្តដែលខ្លួនគេបានធ្វើឲ្យប៉ះពាល់លើសត្វព្រៃ ។ គេថាសត្វទាំងនោះសុទ្ធតែសត្វងាប់ទេ ។ តែវានៅតែជាកំហុសរបស់ពួកគេដដែលដែរ ។ មុនពេលក្រសួងចាត់វិធានការពួកគេបានចូលមកសារភាព ដើម្បីកុំឲ្យមានអ្នកធ្វើដូចពួកគេទៀត ។
បុរសជាប្តីបានសារភាពថា ពេលដែលសន្និសីទសារព័ត៌មាននេះទៅ ពួកគេនឹងមិនធ្វើដូចនេះតទៀតទេ ។ ពួកគេថា”ព្រោះតែចង់បានលុយតាមYou Tubeពេក ហើយរាល់សត្វទាំងអស់នេះបានទិញតាមផ្លូវ និងជាសត្វដែលងាប់ស្រាប់” ។ គេថា កាលពីមុនពួកគេបានធ្វើដូចគ្នាលើខ្យង ត្តាម ត្រី ។ តែដោយមិនដឹងថា ធ្វើលើសត្វព្រៃខុសច្បាប់ទេ ។
មន្ត្រីក្រសួងបរិស្ថានបានណែនាំដល់ប្តីប្រពន្ធឲ្យបំពេញនូវឯកសារមួយចំនួនដោយមានសរសេរឈ្មោះ និងអាស័យដ្ឋានព្រមទាំងទីតាំងដែលពួកគេបានប្រព្រឹត្តថតរូបសត្វព្រៃបង្ហោះតាមបណ្តាញសង្គមហ្វេសប៊ុករបស់គេបង្ហាញជាសាធារណៈ ។ នៅចំពោះមុខមន្ត្រីក្រសួងបរិស្ថាននិងអ្នកសារព័ត៌មានបុរសជាប្តីបាននិយាយថា ”នៅពេលគេវាយប្រហារតាមហ្វេសប៊ុកទើបនាំប្តីប្រពន្ធមកសារភាពព្រមទទួលទោសកំហុស ” ។ បុរសជាប្តីបានលើកឡើងថា ការធ្វើនេះគោលបំណង ដើម្បីរកកម្រៃពីប្រព័ន្ធ Youtube ប៉ុណ្ណោះនឹងមិនដឹងពីផលប៉ះពាល់ដល់សត្វព្រៃនោះទេ ។ នៅពេលដែលសមត្ថកិច្ចក្រសួងបរិស្ថានហៅមកណែនាំទើបប្តីប្រពន្ធពួកគាត់បានយល់ពីផលប៉ះពាល់ ។ ប្តីប្រពន្ធមួយគូនេះបានលើកឡើងពេលសន្និសីទសារព័ត៌មាននៅក្រសួងបរិស្ថាន ក្រោយពេលដែលមន្ត្រីក្រសួងបរិស្ថានណែនាំថា ពួកគាត់បានធ្វើអន្ទាក់ដាក់សត្វមិនត្រឹមតែសត្វមាន់ទោសទេមានកង្កែប និងត្រីផងដែរ ។
តាមអះអាងលោកគង់ រ៉ាទី អាយុ៣០ឆ្នាំ បានសារភាពនៅចំពោះមុនសមត្ថកិច្ចក្រសួងបរិស្ថាន និងអ្នកសារព័ត៌មាននារសៀលថ្ងៃទី១០ ខែឧសភា ថាការទង្វើរសម្លាប់ សត្វជាច្រើនក្បាលបង្ហោះរូបតាមហ្វេសប៊ុកនេះ ដោយសារតែពួកគាត់មិនបានដឹងថា មានទោសនោះទេ ។ អ្នកទាំងពីរក៏បានឲ្យដឹងថា សត្វដែលពួកគេសប្លាប់នេះបានទិញ មកពីស្រុក បាធាយខេត្តកំពង់ចាម ដោយតម្លៃត្រឹម២០ដុល្លារ ដើម្បីយកហូប ។ សម្រាប់ការបង្ហោះរូបតាមហ្វេសប៊ុកនោះដែរ អ្នកទាំងក៏បានលើកឡើងថា ការធ្វើនេះគឺដូចអ្វីដែលទស្សនជនគិតអីញ្ចឹង គឺដើម្បីយកលុយបានយូធូបដែលចូលទស្សនាបានច្រើន ។
លោក គង់ ប៉ូលីនបានគូសបញ្ជាក់ថា «ខ្ញុំសូមទោសដល់ប្អូនទាំងអស់គ្នា ដែលយើងខ្ញុំទាំងពីរបានធ្វើឲ្យខូចខាតដល់ធនធានធម្មជាតិសត្វព្រៃ ។ ពួកយើងខ្ញុំគ្មានចេតនា និងបំណងធ្វើបែបនេះទេ ហើយសត្វដែលខ្ញុំយកមកនេះជាសត្វដែលងាប់បាត់ហើយ ពួកខ្ញុំមិនបានបរបាញ់នោះទេ តែនៅតែកំហុសរបស់ខ្ញុំឥឡូវខ្ញុំចូលមកសារភាពមកមុនវិធានការរបស់សមត្ថកិច្ច ដើម្បីធ្វើជាគំរូដល់អ្នកផ្សេងៗ កុំធ្វើគំរូបដូចពូកខ្ញុំទៀត »។
សម្រាប់ទង្វើដែលបានបង្ហាញក្នុងហ្វេសប៊ុកនោះដែរអ្នកទាំងពីរបានអះអាងថា ដើម្បីរកចំណូលតាមរយៈយូធូប តែប៉ុណ្ណោះ។ លោកថាកាលពីមុនពួកគេធ្លាប់ធ្វើសកម្មភាពបែបនេះប៉ុន្តែធ្វើតែលើកខ្ចៅ ខ្យង់ សត្វមាន់ ជាដើម ដោយមិនដឹងថាធ្វើចំពោះសត្វព្រៃនេះមាន ទោស នោះទេ ។ តាមរយៈយូធូបនេះដែលអ្នកទាំងពីរក៏បានអះអាងរហូតមកដល់ពេលនេះទទួលប្រាប់យូធូបបានជិត៥០០ដុល្លារ ហើយ ប៉ុន្តែមិនទាន់បានទៅបើកលុយបាននៅឡើយ ។
អ្នកទាំងពីរថាវីដេអូនេះ ត្រូវបាថតតាំងអំឡុងខែវិច្ឆិការ ឆ្នាំ២០១៧ កន្លងមកម្ល៉េះ ដោយទើបតែអ្នកលេងហ្វេសប៊ុកលើកយកមកបំផុសបំផុល ទាំងអ្នកទាំងពីរមិនដឹងមាន ផលប៉ះពាល់ធំធេងនោះទេ ។ សត្វទាំងនោះត្រូវបានទិញមកពីស្រុកបាធាយ តាមផ្លូវជាតិលេខ៦A ទំហំសត្វដែលសត្វដែលថតនោះ មានទំនង់មិនមួយគីឡូទេ ។
អ្នកទាំងពីរក៏បានលើកឡើងថា សមត្ថកិច្ចបានអប់រំណែនាំច្រើនទាន់ទង និងការថែរក្សា សត្វព្រៃនៅកម្ពុជា ដោយដាក់លក្ខខណ្ឌមិនឲ្យធ្វើជាលើកក្រោយទៀតជាដាច់ខាត ។ ទាក់ទងសម្លាប់សត្វព្រៃនេះដែរត្រូវបានសមត្ថកិច្ចលើកឡើងថា ចំពោះទោសទណ្ឌ ចំពោះអ្នកទាំងពីរនេះមិនត្រូវបានមានទោសនោះទេ ព្រោះថាសត្វទាំងនេះ មិនស្ថិតនៅក្នុងសត្វ ដែលកម្រឬប្រភេទផុតជូពនោះទេ ។
មន្ត្រីបញ្ជាក់ថា «តាមច្បាប់ស្តីពីតំបន់ការពារធម្មជាតិ យើងគ្មានការលើកលែងទោស ឬសមសម្រួលនោះទេតាមច្បាប់ណាឡើយ ។ មាត្រា ៥៩នៃច្បាប់នេះ តាមទោសទណ្ឌរបស់ គាត់យើងពិនិត្យទៅលើសត្វព្រៃ វាមិនបានស្តិតនៅក្នុងប្រភេទសត្វដែលជិតផុតពូជទេ គឺស្ថិត ក្នុងប្រភេទសត្វបង្គូយ អីញ្ចឹងច្បាប់បានអនុញ្ញាតឲ្យយើងខ្ញុំពិនិត្យតាមច្បាប់ យើងនឹងរៀបចំទៅតាមនីតិវិធីច្បាប់ » ។
បើតាមទាំងពីអ្នកប្តីប្រពន្ធបានអះអាងថា ពួកគាត់អ្នករស់នៅក្នុងទីក្រុងភ្នំពេញ ហើយធ្វើនេះដើម្បីរកចំណូលបន្ថែមពីមុខរបរ គឺបើសាលាបង្រៀនផ្នែកគូប្លង់ ។ ក្នុងសន្នីសិទសារព័ត៌មាននោះដែមន្ត្រីមសត្ថកិច្ចបានអះអាងអ្នកដែលជាប់ពាក់ព័ន្ធ និងរឿងមានតែពីរអ្នកប្តីប្រពន្ធទេ ដោយដំបូងឡើយ មានតែប្រពន្ធ តែមានសង្ស័យទើបហៅប្តីមកសួរនាំ ៕
ចែករំលែកព័តមាននេះ