ខេត្តក្រចេះ ៖ អ្នកភូមិស្រែនន ឃុំកន្ទួត ស្រុកចិត្របុរី ដែលភាគច្រើនជាជនជាតិភាគតិច ព្នង ប្រមាណជាង៣០គ្រួសារដែលមានខ្លះបានជម្លៀសខ្លួនចេញពីភូមិ និងខ្លះទៀតត្រូវបាន នាំទៅសង្គ្រោះ…
ខេត្តក្រចេះ ៖ អ្នកភូមិស្រែនន ឃុំកន្ទួត ស្រុកចិត្របុរី ដែលភាគច្រើនជាជនជាតិភាគតិច ព្នង ប្រមាណជាង៣០គ្រួសារដែលមានខ្លះបានជម្លៀសខ្លួនចេញពីភូមិ និងខ្លះទៀតត្រូវបាន នាំទៅសង្គ្រោះ ដោយសាររងការពុលនោះនៅពេលនេះពួកគាត់បានវិលចូលមករស់នៅក្នុង ភូមិចាស់របស់ពួកគាត់តាមធម្មតាមវិញ ក្រោយពីស្ថានភាពពុលកាន់តែធូរស្រាល ហើយស្ថាន ការណ៍ក៏ត្រូវអាជ្ញាធរគ្រប់គ្រងបាន ។
គិតមកត្រឹមថ្ងៃទី១០ ឧសភា នេះស្ថានភាពនៃការពុលដែលអាជ្ញាធរបានកំណត់ថា ដើម ចមបណ្តាលមកពីពុលស្រាស និងទឹកព្រែកទេរនោះ គឺកាន់តែមានភាពធូរស្រាល ខណៈ ដែលនៅមានអ្នកជំងឺដែលរងគ្រោះ ដោយការពុលមានចំនួនតែ៥៤នាក់ទៀតប៉ុណ្ណោះ កំពុង សម្រាកព្យាលបាននៅមន្ទីរពេទ្យ ក្រៅពីនោះអ្នកជំងឺដែលរងគ្រោះជិត៣រយនាក់ គឺបានធូរ ស្រាល ក្រោយការជួយសង្គ្រោះ និងបានចេញពីពេទ្យមកផ្ទះវិញធម្មតា ។
ការពុលដែលអ្នកភូមិចាត់ទុកថា ជាបាតុភាពដ៏អាក្រក់មួយពុំធ្លាប់មានក្នុងភូមិ និងបាន វាយលុកសម្លាប់មនុស្សយ៉ាងរង្គាលក្នុងភូមិ ក្នុងអំឡុងពេល៥ថ្ងៃគិតចាប់ពីថ្ងទី៤ ដល់ថ្ងៃទី៨ ក្នុងនោះបានធ្វើឲ្យអ្នកភូមិស្រែនន ឃុំកន្ទួត ស្រុកចិត្របុរី ដែលជាភូមិមួយមានទីតាំងប្រប និង ដងព្រែកទេរមានចំនួនអ្នកភូមិយ៉ាងតិច១៣នាក់ ក្នុងនោះមានស្រី៨នាក់បានស្លាប់ និងអ្នកភូមិចំនួនជិត៣រយនាក់ទៀតត្រូវជួយសង្គ្រោះ សល់ពីនោះបានសម្រេចចាក់សោរ បិទទ្វាផ្ទះលែងគោក្របីចេញពីក្រោល និងបានជម្លៀសខ្លួនទៅនៅឆ្ងាយភូមិមួយរយៈ ។
បន្ទាប់ពីស្ថានការត្រូវបានធូរស្រាលដោយសុខភាពរបស់អ្នករងគ្រោះ គឺមានភាពប្រក្រតី ធម្មតាវិញសកម្មភាពរថយន្តសាម៉ុយដែលធ្លាប់តែបង្កើនការដឹកជញ្ជូនអ្នកភូមិដែលរងអាការៈពុលចេញពីភូមិនាំទៅសង្គ្រោះនៅមន្ទីរពេទ្យក៏បានស្ងប់ស្ងាត់ ខណៈពេលនេះយន្ត ដឹកទឹករបស់អង្គភាពស្នងការដ្ឋានជាច្រើនគ្រឿងបាន និងកំពុងសម្រុកការដឹកជញ្ជូនទឹកស្អាត ចូលទៅក្នុងភូមិចែកឲ្យអ្នកភូមិបានប្រើប្រាស់ ។
ទន្ទឹមគ្នានេះដោយផ្អែកលើជំនឿអរូបិយ អាជ្ញាធរស្រុកចិត្របុរីនៅថ្ងៃទី១០ ឧសភា ក៏ បាននិមន្តព្រះសង្ឃជាច្រើនអង្គចូលក្នុងភូមិមួយនេះ ដើម្បីសូត្រមន្តស្រោចទឹកប្រោះព្រំ សំសេចក្តីសុខទៅតាមបែបសាសនាដល់អ្នកនៅក្នុងភូមិ ក្រោយរួចផុតជីវិតពីការពុលស្លាប់ ។
បញ្ជាក់ ៖ រៀបរាប់ឲ្យដឹងនៅព្រឹកថ្ងៃទី១០ ឧសភា ពលរដ្ឋដែលធ្លាប់រងអាការៈពុល និងពលរដ្ឋ ដែលបានជម្លៀសខ្លួនចេញពីភូមិ ហើយបានត្រឡប់ចូលមកលំនៅឋានក្នុងភូមិវិញ បាន រៀបរាប់ថា បាតុភាពនេះពួកគាត់ខ្លះនៅតែមានជំនឿលើអារុក្ខ អារក្សអ្នកតាម្ចាស់ព្រៃ និងខ្លះ ទៀតមានជំនឿលើអាជ្ញាធរដែលរកឃើញថា ការពុលមកពីស្រាស និងទឹកព្រែកទេរ ។
ដោយហេតុផលថា មានពលរដ្ឋខ្លះមិនបានទទួលទានអ្វីប្លែកអ្វីក៏កើតមានអាការៈឈឺស្លាប់ និងខ្លះទៀតបានទទួលទានត្រី និងហូបទឹកបានកើតអាការៈពុលស្លាប់ដែរ ។ ពួកគាត់ថា ពួកគាត់មានការតុកស្លុតនៅពេលឃើញសភាពអ្នកភូមិជាច្រើននាក់បានឈឺស្លាប់ភ្លាមៗបែបនេះ ។ តែយ៉ាងណាពួកគាត់មានភាពកក់ក្តៅនៅពេលឃើញអាជ្ញាធរ កងកម្លាំងប្រដាប់អាវុធ ក្រោមការដឹកនាំពីលោកអភិបាលខេត្ត មានការយកចិត្តទុកដាល់លើសុខទុក្ខការរស់នៅ និងការជួយសង្គ្រោះពួកគាត់បានទាន់ពេល ។
ប្រធានការិយាល័យរដ្ឋបាលនៃមន្ទីរសុខាភិបាល លោក ទឺ ប៊ុនឡេង បានប្រាប់ឲ្យដឹង នៅថ្ងៃទី១០ ឧសភា នេះថា ស្ថានភាពការពុល គឺប្រែក្លាយជាធម្មតាវិញហើយ ខណៈចំនួន អ្នកស្លាប់ដោយការពុលមានមិនមានចំនួនកើនឡើងត្រឹម១៣នាក់ ស្រី៨នាក់ ។
ស្នងការនគរបាលខេត្តក្រចេះលោកឧត្តមសេនីយ៍ទោ លន់ សុផាត បានថ្លែងប្រាប់ឲ្យដឹង ថា បើទោះបីជាស្ថានភាពពុលបានធូរស្រាលយ៉ាងណាក្តីតែកម្លាំងនគរបាលនៅតែបន្តការ ឈរជើងប្រចាំការនៅតំបន់ក្បែរៗភូមិ ក្នុងនោះនគរបាលបានត្រៀមរថយន្តរថយន្តសង្គ្រោះ ក៏ដូចជា ពេទ្យនគរបាលនៅជាប់ជាប្រចាំ ។
លោកឧត្តមសេនីយ៍ស្នងការបានបញ្ជាក់ថា រយន្តដឹកទឹករបស់ស្នងការដ្ឋាន និងអធិការដ្ឋាន នៅតែបង្កើនសកម្មភាពដឹកជញ្ជូនទឹកទៅចែកជូនដល់ពលរដ្ឋក្នុងភូមិបានប្រើប្រាស់ប្រចាំថ្ងៃ ៕
ចែករំលែកព័តមាននេះ