ខេត្តបន្ទាយមានជ័យ៖ សមត្ថកិច្ចថៃបានបញ្ជូនសពប្រជាពលរដ្ឋខ្មែរចំនួន១០នាក់ និងពលករខុសច្បាប់ចំនួន៣.៧៥០នាក់ក្នុងខែមេសា ឆ្នាំ២០១៨ តាមច្រកទ្វារអន្តរជាតិប៉ោយប៉ែត។ ដោយយោងតាមរបាយការណ៍ខែមេសា ឆ្នាំ២០១៨នេះ សមត្ថកិច្ចថៃបានបញ្ជូនសពប្រជាពលរដ្ឋខ្មែរចំនួន៩នាក់ និងបានបញ្ជូនពលករខ្មែរដែលធ្វើការដោយខុសច្បាប់នៅប្រទេសថៃចំនួន៧២លើក មានចំនួន៣.៧៥០នាក់…
ខេត្តបន្ទាយមានជ័យ៖ សមត្ថកិច្ចថៃបានបញ្ជូនសពប្រជាពលរដ្ឋខ្មែរចំនួន១០នាក់ និងពលករខុសច្បាប់ចំនួន៣.៧៥០នាក់ក្នុងខែមេសា ឆ្នាំ២០១៨ តាមច្រកទ្វារអន្តរជាតិប៉ោយប៉ែត។
ដោយយោងតាមរបាយការណ៍ខែមេសា ឆ្នាំ២០១៨នេះ សមត្ថកិច្ចថៃបានបញ្ជូនសពប្រជាពលរដ្ឋខ្មែរចំនួន៩នាក់ និងបានបញ្ជូនពលករខ្មែរដែលធ្វើការដោយខុសច្បាប់នៅប្រទេសថៃចំនួន៧២លើក មានចំនួន៣.៧៥០នាក់ ក្នុងនោះមានបុរសចំនួន១.៩៩០នាក់ ស្រីចំនួន១.៣៥៩នាក់ កុមារ៤០១នាក់។ ចំណែកកម្ពុជាបានបញ្ជូនសពជនជាតិថៃម្នាក់ត្រឡប់ទៅវិញផងដែរ ។
ក្នុងកិច្ចប្រជុំគណៈបញ្ជាការឯកភាពខេត្តបន្ទាយមានជ័យកាលពីកន្លងទៅថ្មីៗនេះ លោក សួន បវរ អភិបាលខេត្តបន្ទាយមានជ័យបានលើកឡើងថា បញ្ហាពលករចំណាកស្រុកដោយខុសច្បាប់គឺជាបញ្ហាសំខាន់បំផុតចំពោះសុវត្ថិភាពបងប្អូនប្រជាពលរដ្ឋខ្មែរដែលទៅរកការងារធ្វើដោយខុសច្បាប់តាមរយៈមេខ្យល់បានប្រឈមគ្រោះថ្នាក់ដូចជាឆ្លងព្រំដែនល្មើសច្បាប់ និងទៅរកការងារធ្វើនៅប្រទេសថៃដោយខុសច្បាប់ ។
លោកបានដាក់វិធានការដល់កម្លាំងដែលឈរជើងតាមបន្ទាត់ព្រំដែនត្រូវលុបបំបាត់រាល់បទល្មើសនៅច្រករបៀងខុសច្បាប់អោយអស់តាមការណែនាំពីសម្តេចក្រឡាហម ស ខេង ឧបនាយករដ្ឋមន្ត្រី និងរដ្ឋមន្ត្រីក្រសួងមហាផ្ទៃ ៕
ចែករំលែកព័តមាននេះ