ខេត្តតាកែវ ៖ យ៉ាងហោចណាស់មនុស្ស២នាក់បានស្លាប់ដោយសាររន្ទះបាញ់ ខណៈដែលមេឃកំពុងភ្លៀងលាយឡំផ្គររន្ទះនៅល្ងាចថ្ងៃទី៨ ឧសភា ២០១៨ វេលាម៉ោង៣រសៀល ។ មនុស្ស២នាក់ដែលស្លាប់ដោយរន្ទះបាញ់នេះគឺនៅកន្លែងផ្សេងគ្នា ដោយម្នាក់នៅក្រុងដូនកែវ…
ខេត្តតាកែវ ៖ យ៉ាងហោចណាស់មនុស្ស២នាក់បានស្លាប់ដោយសាររន្ទះបាញ់ ខណៈដែលមេឃកំពុងភ្លៀងលាយឡំផ្គររន្ទះនៅល្ងាចថ្ងៃទី៨ ឧសភា ២០១៨ វេលាម៉ោង៣រសៀល ។ មនុស្ស២នាក់ដែលស្លាប់ដោយរន្ទះបាញ់នេះគឺនៅកន្លែងផ្សេងគ្នា ដោយម្នាក់នៅក្រុងដូនកែវ និងម្នាក់ទៀតនៅស្រុកទ្រាំង ។
ជនរងគ្រោះទី១ ឈ្មោះ ជុន ខុន ភេទប្រុស អាយុ៤៩ឆ្នាំ នៅភូមិព្រៃរពាក់ ឃុំអង្គកែវ ស្រុកទ្រាំង ត្រូវរន្ទះបាញ់ស្លាប់នៅវេលាម៉ោង១៥និង៣០នាទី ខណៈដែលជនរងគ្រោះ កំពុងតែយកចបមកកាយបង្ហូរទឹកចេញពីមុខផ្ទះរបស់គាត់ ។ ចំណែកជនរងគ្រោះទី២ ដែលបានស្លាប់ ឈ្មោះ ជុំ ផែន ភេទប្រុស អាយុ ៥៨ឆ្នាំ មានកូន៥នាក់ក្នុងបន្ទុក រស់នៅភូមិតុំ សង្កាត់រកាក្រៅ ក្រុងដូនកែវ ត្រូវបានរន្ទះបាញ់ស្លាប់នៅវេលាម៉ោង១៥ ខណៈដែលជនរងគ្រោះ កំពុងទៅលើកលបនៅកណ្ដាលបឹងវត្តតុំ ។សពជនរងគ្រោះ ត្រូវបានសមត្ថកិច្ចប្រគល់ឱ្យក្រុមគ្រួសារធ្វើបុណ្យតាមប្រពៃណី ក្រោយពិនិត្យសពរួចរាល់ ។
សមត្ថកិច្ចបានអំពាវនាវដល់ប្រជាពលរដ្ឋឱ្យប្រុងប្រយ័ត្នពេលមេឃភ្លៀង កុំដើរចេញទៅទីវាល ឬជ្រកក្រោមដើមឈើ ព្រោះងាយនឹងរងគ្រោះដោយរន្ទះបាញ់បំផុត ៕
ចែករំលែកព័តមាននេះ