រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ចោរស្ទើរភ្លើងម្នាក់ប្រើប្រាស់វិធីបាំងមុខចម្លែក ដោយយកថ្នាំពណ៌មកលាបលើមុខជំនួសឲ្យស្រោមមុខ ពេលធ្វើសកម្មភាពលួចកាបូប។ កាលពីសប្តាហ៍មុន…
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ចោរស្ទើរភ្លើងម្នាក់ប្រើប្រាស់វិធីបាំងមុខចម្លែក ដោយយកថ្នាំពណ៌មកលាបលើមុខជំនួសឲ្យស្រោមមុខ ពេលធ្វើសកម្មភាពលួចកាបូប។
កាលពីសប្តាហ៍មុន ប៉ូលិសនៅទីក្រុង Krasnodar រុស្ស៊ី បានចាប់ខ្លួនចោរអាយុ២៣ឆ្នាំ ដែលត្រូវបានចោទប្រកាន់ពីបទលួចកាបូបលុយនៅស្ថានីយរថភ្លើង។ ស្ត្រីជាម្ចាស់កាបូបដឹងខ្លួន ក្រោយពេលបាត់កាបូបភ្លាម ហើយក៏រាយការណ៍ទៅប៉ូលិស។
ប៉ូលិសបានទៅដល់ទីកន្លែងកើតហេតុ ហើយក៏សួរនាំអ្នកនៅជុំវិញនោះ។ ពួកគេប្រាប់ថា ចោរនោះមានមុខពណ៌បៃតង។ រកឃើញយ៉ាងស្រួលដូចបកចេក!
ប៉ូលិសចាប់ចោរបានភ្លាមៗ ដោយសារតែចំណុចពិសេសលើផ្ទៃមុខ។ ទោះបីជាមានមនុស្សក្នុងទីក្រុងច្រើនយ៉ាងណា ក៏គ្មាននរណាមុខពណ៌បៃតងដែរ។
ពេលចាប់បាន ចោរម្នាក់នោះថា ខ្លួនលាបមុខពណ៌បៃតងបែបនេះ ក៏ព្រោះតែចង់ជំនួសស្រោមមុខ។ តែគេមិនដឹងថា វាមិនអាចលុបជ្រះបានភ្លាមៗនោះទេ៕
ចែករំលែកព័តមាននេះ