បណ្ដាយន្តហោះប្រដេញបំបាំងកាយហ្វឹកហ្វឺនលើសមុទ្រលើកដំបូង
ប្រទេសចិន ៖ អ្នកនាំពាក្យយោធាចិនម្នាក់អះអាង នាថ្ងៃទី៩ ឧសភាថា បណ្ដាយន្តហោះបំបាំងកាយចិន ធុន J-20 បានធ្វើការហោះហើរ ហ្វឹកហ្វឺនប្រយុទ្ធលើសមុទ្រជាលើកដំបូង។…
ប្រទេសចិន ៖ អ្នកនាំពាក្យយោធាចិនម្នាក់អះអាង នាថ្ងៃទី៩ ឧសភាថា បណ្ដាយន្តហោះបំបាំងកាយចិន ធុន J-20 បានធ្វើការហោះហើរ ហ្វឹកហ្វឺនប្រយុទ្ធលើសមុទ្រជាលើកដំបូង។
អ្នកនាំពាក្យកងទ័ពអាកាសចិនលោក SHEN JINKE ថ្លែងថា បែបនោះនឹងជួយដល់កងទ័ពអាកាស ឲ្យអាចបំពេញបានល្អបេសកម្មថែរក្សាអធិបតេយ្យភាព សន្តិសុខ និងបូរណភាពដែនដីចិន។
យន្តហោះ J-20 ជាយន្តហោះជំនាន់ទី៤ នៃយន្តហោះប្រដេញហោះហើរក្នុងចម្ងាយមធ្យម និងចម្ងាយឆ្ងាយរបស់ចិន ហើយដាក់ឲ្យប្រើប្រាស់ក្នុងផ្ទៃកងទ័ពអាកាស កាលពីដើមឆ្នាំនេះ។
អ្នកនាំពាក្យគូសបញ្ជាក់ថា ការចូលរួមរបស់បណ្ដាយន្តហោះ J-20 ក្នុង ការហ្វឹកហ្វឺនប្រយុទ្ធលើអាកាស រួមជាមួយយន្តហោះប្រដេញ j-16 និង j-10 ព្រមទាំងយន្តហោះប្រដេញឯទៀតៗបានពង្រឹងសមត្ថភាពប្រយុទ្ធរបស់កងទ័ពអាកាសចិន។
រយៈពេលប៉ុន្មានឆ្នាំចុងក្រោយនេះ កងទ័ពអាកាសចិនបានពង្រីកឧបករណ៍យោធាមានបច្ចេកវិទ្យាខ្ពស់ថ្មីៗ ដោយសារយុទ្ធសាស្ត្រដែលផ្ដោតលើការប្រយុទ្ធ ការវាយលុក និងកិច្ចការពារដែនអាកាសរបស់ប្រទេស៕
ចែករំលែកព័តមាននេះ