រាជធានីភ្នំពេញ ៖ ជនសង្ស័យវ័យជំទង់ម្នាក់បានជិះម៉ូតូទៅកន្លែងម៉ាស្សា ហើយហៅនារីម៉ាស្សាម្នាក់ឲ្យម៉ាស្សាឲ្យខ្លួន បន្ទាប់ពីម៉ាស្សាបាន២ទៅ៣នាទី ស្រាប់តែជនសង្ស័យទាញកូនកាំបិតចាក់ប៉ុនប៉ងសម្លាប់នាងដណ្ដើមយកទូរស័ព្ទដៃ iPhone 6 រួចរត់គេចខ្លួន ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៩ព្រឹក…
រាជធានីភ្នំពេញ ៖ ជនសង្ស័យវ័យជំទង់ម្នាក់បានជិះម៉ូតូទៅកន្លែងម៉ាស្សា ហើយហៅនារីម៉ាស្សាម្នាក់ឲ្យម៉ាស្សាឲ្យខ្លួន បន្ទាប់ពីម៉ាស្សាបាន២ទៅ៣នាទី ស្រាប់តែជនសង្ស័យទាញកូនកាំបិតចាក់ប៉ុនប៉ងសម្លាប់នាងដណ្ដើមយកទូរស័ព្ទដៃ iPhone 6 រួចរត់គេចខ្លួន ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង៩ព្រឹក ថ្ងៃ១០ ឧសភា នៅចំណុចហាងម៉ាស្សាយីហោ «លី ថីហ្វុង» ស្ថិតក្នុងភូមិក្បាលដំរី២ សង្កាត់កាកាប២ ខណ្ឌពោធិ៍សែនជ័យ ។
តាមប្រភពព័ត៌មានឲ្យដឹងថា ជនសង្ស័យខាងលើឈ្មោះ ចាប ជីវ៉ា អាយុ១៧ឆ្នាំ ជាកម្មករសំណង់ ស្នាក់នៅក្នុងការដ្ឋានសំណ ង់មួយកន្លែងក្នុងខណ្ឌសែនសុខ ដោយជិះម៉ូតូ១គ្រឿងម៉ាក Suzuki NEX ពណ៌ក្រហមលាយខ្មៅ ពាក់ស្លាកលេខភ្នំពេញ 1CD-1056 ប្រដាប់ដោយដាវ។ ចំណែកនារីរងគ្រោះឈ្មោះ សៀន ឆេងហ៊ាន់ អាយុ២១ឆ្នាំ ស្នាក់នៅក្នុងហាងម៉ាស្សាកើតហេតុ បានរងរបួសលើថ្ពាល់ខាងឆ្វេង, ដៃឆ្វេង, និងម្រាមដៃស្ដាំចំនួន៤កន្លែង។
ប្រភពដដែលបន្តទៀតថា មុនកើតហេតុជនសង្ស័យបានជិះម៉ូតូធ្វើដំណើរទៅកាន់ហាងម៉ាស្សា បន្ទាប់មកបានចូលទៅក្នុងហាង រួចសម្លឹងមើលឃើញស្ត្រីរងគ្រោះកាន់ទូរស័ព្ទ iPhone 6 ក៏ហៅនារីរងគ្រោះឲ្យម៉ាស្សាឲ្យខ្លួន។ បន្ទាប់ពីបានឯកភាពហើយក៏នាំគ្នាឡើងទៅក្នុងបន្ទប់ជាន់លើ លុះពេលនារីរងគ្រោះម៉ាស្សាបាន២ទៅ៣នាទីប៉ុណ្ណោះ ស្រាប់តែជនសង្ស័យទាញកូនកាំបិតចាក់សម្លាប់នាងតែម្ដង។ ភ្លាមៗនោះនារីរងគ្រោះដឹងខ្លួនទាន់ក៏គេចផុត ហើយក៏មានការប្រវាយប្រតប់គ្នាកើតឡើង បណ្ដាលឲ្យនារីរងគ្រោះរងរបួស បន្ទាប់មកជនសង្ស័យបានយកទូរស័ព្ទរបស់នាងរត់ចេញក្រៅ។ ពេលនោះនាងស្រែកថា «ចោរៗ» ទើបបង្កការភ្ញាក់ផ្អើល ហើយថៅកែហាងបានទូរស័ព្ទប្ដឹងនគរបាលចេញអន្តរាគមន៍ឡោមព័ទ្ធចាប់បានភ្លាមៗ រួចនាំទៅសាកសួរ និងចាត់ការតាមច្បាប់តែម្ដង៕
ចែករំលែកព័តមាននេះ