ខេត្តបន្ទាយមានជ័យ ៖ កម្លាំងសមត្ថកិច្ចថៃ បានបាញ់ឱ្យរបួសមេខ្យល់ជនជាតិថៃម្នាក់ និងឃាត់ខ្លួនជនជាតិថៃគ្នាគេប្រុស-ស្រី២៣នាក់ ទៀតដែលបម្រុងលួចឆ្លងដែនចូលមកកម្ពុជា ។ បាតុភាពនេះ បានកើតឡើងកាលពីយប់ថ្ងៃទី២០ ខែមិថុនា…
ខេត្តបន្ទាយមានជ័យ ៖ កម្លាំងសមត្ថកិច្ចថៃ បានបាញ់ឱ្យរបួសមេខ្យល់ជនជាតិថៃម្នាក់ និងឃាត់ខ្លួនជនជាតិថៃគ្នាគេប្រុស-ស្រី២៣នាក់ ទៀតដែលបម្រុងលួចឆ្លងដែនចូលមកកម្ពុជា ។ បាតុភាពនេះ បានកើតឡើងកាលពីយប់ថ្ងៃទី២០ ខែមិថុនា ឆ្នាំ២០២៥ ក្បែរព្រំដែនភូមិសាស្ត្រឃុំខ្លោងណាំសៃ ស្រុកអារ័ញ្ញប្រថេត ខេត្តស្រះកែវ ប្រទេសថៃ ។
តាមព័ត៌មានដែលទទួលបានឱ្យដឹងថា នេះជាករណីផ្ទុះអាវុធក្បែរព្រំដែនក្នុងទឹកដីថៃ នៅម៉ោង១១យប់ ។ បុរសជនជាតិថៃដែលជាមេខ្យល់ ត្រូវបានបាញ់ឱ្យរងរបួស ។ រីឯជនប្រុស-ស្រីចំនួន២៣នាក់ ជាជនជាតិថៃ ដែលព្យាយាមប៉ុនប៉ងលួចឆ្លងដែនចូលមកម្ពុជា ដើម្បីមករកការងារធ្វើនៅក្រុងប៉ោយប៉ែត ខេត្តបន្ទាយមានជ័យ ត្រូវទាហានថៃចាប់ខ្លួន ។
សមត្ថកិច្ចថៃដែលបានឃាត់ខ្លួនជនជាតិថៃប្រុស-ស្រី២៣នាក់ ក្នុងនោះមានម្នាក់ជាមេខ្យល់ថៃដែលរងរបួស ក្រោយពេលដឹកជនជាតិថៃប្រមាណជាង៣០នាក់ តាមរថយន្តប្រភេទទេសចរណ៍ចំនួន៣គ្រឿងមកដល់ក្បែរព្រំដែន ក៏ត្រូវបានកម្លាំងសមត្ថកិច្ចថៃស្ទាក់កាក់រថយន្តមិនឈប់ បានផ្ទុះអាវុធបណ្តាលឱ្យរបួសមេខ្យល់ថៃរូបនេះតែម្ដង ហើយជនខ្លះត្រូវបានរត់បែកហ្វូងគ្នាចូលព្រៃ និងឃាត់ខ្លួនបាន២៣នាក់ ក្នុងនោះមានមេខ្យល់ម្នាក់រងរបួស ។
ក្រោយការឃាត់ខ្លួន សមត្ថកិច្ចថៃបានសាកសួរ តាមចម្លើយពួកគាត់សាេភាពថា មានបំណងឆ្លងដែនចូលមកកម្ពុជា ដើម្បីធ្វើការងារនៅកាស៊ីណូក្រុងប៉ោយប៉ែត មកតាមរយៈមេខ្យល់ថៃជូនឆ្លងដែន ហើយមានមេខ្យល់កម្ពុជាចាំទទួលដឹកទៅដល់ក្រុងប៉ោយប៉ែត ក្នុងម្នាក់ត្រូវចំណាយពី៤.០០០ទៅ៥.០០០បាត ។
តាមពិតទៅ មិនមែនមានតែពលករខ្មែរទេ ដែលចង់ចូលទៅធ្វើការនៅស្រុកថៃ…សូម្បីជនជាតិថៃក៏មានមហិច្ឆតាចង់ចូលមកកម្ពុជារកការងារធ្វើដែរ ។ ទីបំផុត ត្រូវទាហានថៃស្ទាក់បាញ់ប្រហារគ្មានប្រណីដូចបាញ់ចាប…ហេ! ហេ!
ចែករំលែកព័តមាននេះ