អង់គ្លេស ៖ តាមប្រភពព័ត៌មាន Metro បានឲ្យដឹងថា គូស្នេហ៍លើសទម្ងន់ពីរនាក់ ត្រូវបានក្រុមហ៊ុនតាក់ស៊ីហាមមិនឲ្យជិះ ដោយសារតែធ្លាប់ធ្វើឲ្យរថយន្តពីរគ្រឿងបែកបូមនាពេលកន្លងមក។ ខាងប្រុសទម្ងន់ជិត២៣០គីឡូក្រាម ឈ្មោះ…
អង់គ្លេស ៖ តាមប្រភពព័ត៌មាន Metro បានឲ្យដឹងថា គូស្នេហ៍លើសទម្ងន់ពីរនាក់ ត្រូវបានក្រុមហ៊ុនតាក់ស៊ីហាមមិនឲ្យជិះ ដោយសារតែធ្លាប់ធ្វើឲ្យរថយន្តពីរគ្រឿងបែកបូមនាពេលកន្លងមក។
ខាងប្រុសទម្ងន់ជិត២៣០គីឡូក្រាម ឈ្មោះ Marcus Edwards និងខាងស្រីទម្ងន់១២០គីឡូក្រាម ឈ្មោះ Taylor Faulkner មិនសុខចិត្តនឹងការបដិសេដមិនបម្រើសេវាតាក់ស៊ីដល់ខ្លួនដូចសព្វដង។ ពួកគេអះអាងថា ក្រុមហ៊ុនតាក់ស៊ី Centrex Cars រើសអើងចំពោះទម្ងន់របស់ខ្លួន។
លោក Marcus អាយុ២៩ឆ្នាំ ប្រាប់ព័ត៌មាន The Sun ថា៖ «ខ្ញុំមិនជឿថា ខ្ញុំបានធ្វើឲ្យរថយន្តគេបែកបូមដល់ទៅ២គ្រឿងនោះទេ។ ខ្ញុំគិតថា គេគ្រាន់មិនចង់នៅជិតមនុស្សប្រភេទដូចខ្ញុំ។ ពួកគេមិនដឹងសោះថា ខ្ញុំធាត់នេះដោយសារតែជំងឺ។ គេគួរតែគិតដល់លុយដែលខ្ញុំចំណាយលើសេវាតាក់ស៊ីពេលកន្លងមក»។
តែសម្រាប់ខាងក្រុមហ៊ុនតាក់ស៊ីបានបកស្រាយថា នេះមិនមែនមកពីគេរើសអើងនោះទេ។ តែនេះមកពីសង្សារទាំងពីរនាក់នោះឡើងគីឡូខ្លាំងពេក ខុសពីកាលមុន ដែលធ្វើឲ្យគ្មានរថយន្តណាអាចជូនបានទៀតទេ៕
ចែករំលែកព័តមាននេះ