បើកការរដ្ឋានជួសជុលផ្លូវ និងសង់រោងលក់ដូរជូនប្រជាពលរដ្ឋក្នុងភូមិជ្រៃ
- សៀមរាប
ខេត្តសៀមរាប ៖ នៅបរិវេណឃុំកណ្តែកនារសៀលថ្ងៃទី០៨ ខែឧសភា ឆ្នាំ២០១៨ ក្រោមវត្តមានលោក ម៉ក់ សំភារ អភិបាលស្រុកប្រាសាទបាគង និងលោក…
ខេត្តសៀមរាប ៖ នៅបរិវេណឃុំកណ្តែកនារសៀលថ្ងៃទី០៨ ខែឧសភា ឆ្នាំ២០១៨ ក្រោមវត្តមានលោក ម៉ក់ សំភារ អភិបាលស្រុកប្រាសាទបាគង និងលោក ឈឹម គន្ធា ម្ចាស់សិប្បកម្មភូមិជ្រៃកម្ពុជាបានអញ្ជើញចូលរួមពិធីបើកការរដ្ឋានជួសជុលផ្លូវ និងសង់រោងលក់ដូរជូនប្រជាពលរដ្ឋក្នុងភូមិជ្រៃ ឃុំកណ្តែក ស្រុកប្រាសាទបាគង ដោយមានការចូលរួមពីបងប្អូនប្រជាពលរដ្ឋចំនួន១៣៥នាក់ ស្រីចំនួន៩៨នាក់ផងដែរ ។
ក្នុងពិធីនេះដែរលោកម្ចាស់សិប្បកម្មបានសំណូមដល់ប្រជាពលរដ្ឋដែលរស់នៅក្នុងតំបន់នេះទាំងអស់ត្រូវចូលរួមថែរក្សា អនាម័យ បរិស្ថាន ព្រមទាំងការដាំដើមឈើក៏ដូចជា ដំណាំម្ហូបផ្លែ ដើម្បីបរិស្ថានក៏ដូចជាសម្រស់ធម្មជាតិនៅក្នុងភូមិរបស់យើង ជាពិសេសបន្លែផ្លែឈើ គ្មានជាតិគីមី ដែលប្រជាពលរដ្ឋដាំបាននោះ អាចយកមកលក់នៅក្នុងសិប្បកម្មរបស់លោកបាន ដើម្បីជាចំណូលបន្ថែមទៀតក្នុងគ្រួសារផងដែរ ។
ជាមួយគ្នានេះដែរលោក ម៉ក់ សំភារ អភិបាលស្រុកប្រាសាទបាគងក៏បានបញ្ជាក់ថា នេះជាទីផ្សារថ្មីមួយបន្ថែមទៀត សម្រាប់ក្នុងស្រុករបស់យើង ហើយលោកក៏សូមថ្លែងអំណរគុណចំពោះម្ចាស់សិប្បកម្មដែលបានគិតគូរដល់ប្រជាពលរដ្ឋក្នុងការប្រមូលទិញកសិផលរបស់បងប្អូនប្រជាពលរដ្ឋផងដែរ ។
ដូចនេះលោកសូមឱ្យបងប្អូនទាំងអស់មេត្តាបង្កើនការដាំដុះនៅមូលដ្ឋានរបស់យើងបន្ថែមទៀត ជៀសវាងការធ្វើចំណាកស្រុកខុសច្បាប់ ។ ក្នុងពិធីនេះដែរក្រុមការងារក៏បានផ្តល់អំណោយជូនដល់អ្នកចូលរួមចំនួន១៣៥នាក់ ក្នុងម្នាក់ៗទទួលបានសារ៉ុង១ និងថវិការចំនួន៥០០០រៀលផងដែរ ៕
ចែករំលែកព័តមាននេះ