ប្រទេសកូរ៉េ ៖ តាមសេចក្តីរាយការណ៍បឋមបានឲ្យដឹងថា ថៃ្ងអាទិត្យ ទី១៣ ខែឧសភា ឆ្នាំ២០១៨ ចាប់ពីម៉ោង១៣រសៀលដល់ម៉ោង ១៧រសៀលខាងមុខនេះ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េនឹងធ្វើការពិនិត្យព្យាបាល…
ប្រទេសកូរ៉េ ៖ តាមសេចក្តីរាយការណ៍បឋមបានឲ្យដឹងថា ថៃ្ងអាទិត្យ ទី១៣ ខែឧសភា ឆ្នាំ២០១៨ ចាប់ពីម៉ោង១៣រសៀលដល់ម៉ោង ១៧រសៀលខាងមុខនេះ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េនឹងធ្វើការពិនិត្យព្យាបាល និងបន្ដសុពលភាពលិខិតឆ្លងដែនជូនប្រជាពលរដ្ឋខ្មែរដោយឥតគិតថ្លៃ ។
សេចក្ដីជូនដំណឹងរបស់ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េបានបញ្ជាក់ថា ដើម្បីកាត់បន្ថយការចំណាយ និងពេលវេលារបស់ប្រជាពលរដ្ឋព្រមទាំងការអនុវត្តយន្ដការបង្ខិតការផ្ដល់សេវាឱ្យកៀកជិតមូលដ្ឋានក៏ដូចជា ការលើកកម្ពស់សុខមាលភាពឆ្លើយតបនឹងសំណូមពរ ការពារទប់ស្កាត់នូវហានិភ័យផ្សេងៗដែលធ្វើឲ្យប៉ះពាល់ដល់សុខភាព និងអាយុជីវិតដ៏មានតម្លៃរបស់ប្រជាពលរដ្ឋខ្មែរយើង ។
ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េមានកិត្តិយស សូមជូនដំណឹងដល់ប្រជាពលរដ្ឋខ្មែរទាំងអស់ដែលកំពុងរស់នៅធ្វើការ និងសិក្សានៅសាធារណរដ្ឋកូរ៉េ ជាពិសេសនៅខេត្តជេជូបានជ្រាបថា ៖ ស្ថានឯកអគ្គរាជទូតបានសហការជាមួយមូលនិធិគាំពារសុខភាពកូរ៉េ-អន្ដរជាតិ(KOFIH) និងសហគមន៍ខ្មែរនៅខេត្តជេជូបានរៀបចំកម្មវិធីដូចតទៅ ៖ ១-កម្មវិធីបន្ដសុពលភាពលិខិតឆ្លងដែនជូនប្រជាពលរដ្ឋ ដោយឥតគិតថ្លៃ ២-កម្មវិធីពិនិត្យព្យាបាល សុខភាពទូទៅ ពិនិត្យបេះដូង និងថត (X-Ray) ជូនប្រជាពលរដ្ឋខ្មែរដោយឥតគិតថ្លៃ ។
កាលបរិច្ឆេទនៃពិធីនេះនឹងធ្វើឡើងនៅថៃ្ងអាទិត្យ ទី១៣ ខែឧសភា ឆ្នាំ២០១៨ ចាប់ពីម៉ោង ១៣និង០០រសៀលដល់ម៉ោង១៧និង០០រសៀល ដោយភ្ជាប់មកជាមួយនូវលិខិតឆ្លងដែន និងរូបថត(៤x៦) ០១សន្លឹក ៕
ចែករំលែកព័តមាននេះ