ប្រទេសរុស្ស៊ី ៖ ពិធីធ្វើសច្ចាប្រណិធានចូលកាន់តំណែងប្រធានាធិបតីរុស្ស៊ីអណត្តិទី ៤ របស់លោកវ៉ា្លឌីមៀរពូទីនប្រព្រឹត្តទៅកាលពីថ្ងៃទី ០៧ ឧសភា ។ លោកនឹងជួបនាខែឧសភាជាមួយប្រធានាធិបតីបារាំងលោក EMMANUEL MACRON ព្រមទាំងអធិការបតីអាល្លឺម៉ង់លោកស្រី អេនហ្សឺឡាម័រកែល រួចលោកអាចជាតួអង្គគន្លឹះក្នុងវិបត្តិស្តីពីកិច្ចព្រមព្រៀងនុយក្លេអ៊ែរអ៊ីរ៉ង់ ។
ក្រោយពិធីនោះលោកពូទីនក្លាយជាផ្លូវការជាប្រមុខរបស់ប្រទេសរហូតដល់ឆ្នាំ ២០២៤។ បន្ទាប់មកប្រមុខរដ្ឋរុស្ស៊ីស្នើបន្តតំណែងលោក ឌីមីទ្រី មេដវេដេវជានាយករដ្ឋមន្ត្រី ។ ពិធីធ្វើសច្ចាប្រណិធាននោះប្រព្រឹត្តទៅនៅមហាវិមាន ក្រឹមឡាំង ។
លោកពូទីនជាប់ឆ្នោតជាថ្មីកាលពីខែមិនា ជាមួយសំឡេងគាំទ្រដល់ទៅ ៧៦,៧%ជាអត្រាយ៉ាងខ្ពស់បំផុតមួយតាំងពីលោកឡើងកាន់អំណាមក ។
លោកពូទីនធ្វើសច្ចាប្រណិធានដោយដាក់ដៃលើរដ្ឋធម្មនុញ្ញហើយបន្ទាប់មកលោកថ្លែងសុន្ទរកថារយៈពេល ២០ នាទីមួយ ។ បណ្តាសមាជិកសភា ព្រឹទ្ធសមាជិកព្រមទាំងឥស្សរជនរុស្ស៊ីទាំងឡាយចូលរួមក្នុងពិធីនោះនៅវិមានក្រឹមឡាំង ៕
ចែករំលែកព័តមាននេះ