ស្កុតឡែន ៖ តាមប្រភពព័ត៌មាន Metro បានឲ្យដឹងថា ឪពុកអាយុ២២ឆ្នាំម្នាក់ បានចាប់កូនស្រីអាយុ៣ខែបោកនឹងសាឡុង ដោយសារតែនាងយំលួងមិនបាត់ ដែលបណ្តាលឲ្យស្លាប់បាត់បង់ជីវិត។ ឪពុកឈ្មោះ…
ស្កុតឡែន ៖ តាមប្រភពព័ត៌មាន Metro បានឲ្យដឹងថា ឪពុកអាយុ២២ឆ្នាំម្នាក់ បានចាប់កូនស្រីអាយុ៣ខែបោកនឹងសាឡុង ដោយសារតែនាងយំលួងមិនបាត់ ដែលបណ្តាលឲ្យស្លាប់បាត់បង់ជីវិត។
ឪពុកឈ្មោះ Traherne Williams បានសារភាពថា ខ្លួនពិតជាបានសម្លាប់កូនស្រីឈ្មោះ Sophia Williams មែន ដោយសារតែលួងមិនបាត់នៅពេលយំ។
តាមការពិតរឿងរ៉ាវនេះកើតឡើងតាំងពី២ឆ្នាំមុន តែគេគ្រោងនឹងធ្វើការសម្រេចទោសនៅខែក្រោយនេះ។ តុលាការនៅ Glasgow បានសួរម្តាយរបស់កូនស្រីដែលឈ្មោះ Shannon Main ពីរឿងរបស់កូនស្រី។ តែនាងផ្ទាល់ក៏ត្រូវបានចាញ់បោកសម្តីរបស់ប្តីខ្លួនដែរ។
បុរសជាឪពុកក្រោយពីបានបោកកូនទៅនឹងសាឡុង រូបគេបានប្រាប់ពេទ្យ និងប្រពន្ធថា វាជាហេតុការណ៍ធ្លាក់ពីលើសាឡុងដោយចៃដន្យ។ Sophia បានធ្លាក់ខ្លួនឈឺធ្ងន់រហូតដល់ស្លាប់បាត់បង់ជីវិត ក្រោយពីមានការប៉ះទង្គិចដល់ខួរក្បាលយ៉ាងខ្លាំង។ ក្រោយមក តុលាការក៏រកឃើញថា វាមិនមែនជាករណីគ្រោះថ្នាក់ចៃដន្យទេ។
ដំបូងឡើយ តុលាការចោទប្រកាន់ទាំងពីរនាក់ប្តីប្រពន្ធ។ តែក្រោយមកក៏រកឃើញថា នាងជាប្រពន្ធមិនមានជាប់ពាក់ព័ន្ធទេ។ ខាងបុរសជាប្តីបានសារភាពកំហុសរួចហើយដែរ។ ការសម្រេចទោសនឹងធ្វើឡើងនៅខែក្រោយនេះ នៅតុលាការដដែល៕
ចែករំលែកព័តមាននេះ