ប្រទេសរុស្ស៊ី ៖ ក្រសួងការពារប្រទេសរុស្ស៊ីប្រកាសថា ឧទ្ធម្ភាគចក្ររុស្ស៊ី១គ្រឿង ធុនKA-52 បានធ្លាក់កាលពីថ្ងៃទី៧ ឧសភា នៅស៊ីរី ដោយអ្នកបើកទាំង២នាក់បានត្រូវស្លាប់។ យោងតាមក្រសួងនេះថា…
ប្រទេសរុស្ស៊ី ៖ ក្រសួងការពារប្រទេសរុស្ស៊ីប្រកាសថា ឧទ្ធម្ភាគចក្ររុស្ស៊ី១គ្រឿង ធុនKA-52 បានធ្លាក់កាលពីថ្ងៃទី៧ ឧសភា នៅស៊ីរី ដោយអ្នកបើកទាំង២នាក់បានត្រូវស្លាប់។
យោងតាមក្រសួងនេះថា ឧទ្ធម្ភាគចក្រ KA-52 ជាមួយអ្នកបើក២នាក់បានធ្លាក់នាថ្ងៃទី៧ឧសភា នៅភាគខាងកើតស៊ីរី ពេលហោះហើរពីលើតំបន់ខាងកើតស៊ីរី រួចអ្នកបើក២នាក់ស្លាប់។
ក្រសួងការពារប្រទេសរុស្ស៊ីបញ្ជាក់ថា ក្រុមតាមរុករក និងជួយសង្គ្រោះបាននាំយកសាកសព អ្នកបើកទាំង២នាក់មកកាន់មូលដ្ឋានពួកគេ។ យោងតាមព័ត៌មានដំបូងៗថា គ្រោះថ្នាក់នេះ អាចមកពីបញ្ហាបច្ចេកទេសរបស់ឧទ្ធម្ភាគចក្រ។
ក្រោយការធ្លាក់ មានព័ត៌មាននានាចេញផ្សាយតាមសារព័ត៌មានមួយចំនួន ដែលថា អាចមានការទាក់ទិនជាមួយពួកភេរវករ។ យោងតាមព័ត៌មានមិនផ្លូវការ របស់កាសែតរុស្ស៊ី KOMERSANT ថា ឧទ្ធម្ភាគចក្រនោះអាចត្រូវបាញ់ធ្លាក់ដោយពួកអ៊ិស្លាមនិយម រ៉ាឌីកាល់ ដោយមីស៊ីលដី-អាកាសអាចយកតាមខ្លួនបាន។
នេះជាការធ្លាក់ទី២ បន្ទាប់ពីការធ្លាក់យន្តហោះប្រដេញធុន SU-30SM មួយគ្រឿងរបស់រុស្ស៊ីនៅស៊ីរី រយៈពេលមិនដល់មួយសប្ដាហ៍ផង។ កាលពីថ្ងៃទី៣ ឧសភា យន្តហោះប្រដេញរុស្ស៊ីនោះបានធ្លាក់ ពេលហោះឡើងហើយអ្នកបើកទាំង២នាក់ស្លាប់៕
ចែករំលែកព័តមាននេះ