ខេត្តព្រៃវែង ៖ បុរសម្នាក់រងរបួសធ្ងន់ត្រូវសមត្ថកិច្ចបញ្ជូនទៅសង្រោះបន្ទាន់នៅមន្ទីរពេទ្យបង្អែកស្រុកពារាំង បន្ទាប់ពីជនរងគ្រោះបានជិះម៉ូតូសុខៗរេចង្កូតជ្រុលទៅបុកជាមួយរថយន្តដែលបើកបរបញ្ច្រាសទិសគ្នាពេញទំហឹង ។ ហេតុការណ៍នេះបានកើតឡើងកាលពីវេលាម៉ោងប្រហែល៥និង៤០នាទីយប់ ថ្ងៃទី០៧ ខែឧសភា ឆ្នាំ២០១៨ នៅលើផ្លូវកៅស៊ូក្នុងភូមិទ្រា…
ខេត្តព្រៃវែង ៖ បុរសម្នាក់រងរបួសធ្ងន់ត្រូវសមត្ថកិច្ចបញ្ជូនទៅសង្រោះបន្ទាន់នៅមន្ទីរពេទ្យបង្អែកស្រុកពារាំង បន្ទាប់ពីជនរងគ្រោះបានជិះម៉ូតូសុខៗរេចង្កូតជ្រុលទៅបុកជាមួយរថយន្តដែលបើកបរបញ្ច្រាសទិសគ្នាពេញទំហឹង ។ ហេតុការណ៍នេះបានកើតឡើងកាលពីវេលាម៉ោងប្រហែល៥និង៤០នាទីយប់ ថ្ងៃទី០៧ ខែឧសភា ឆ្នាំ២០១៨ នៅលើផ្លូវកៅស៊ូក្នុងភូមិទ្រា ឃុំកញ្ចំ ស្រុកពារាំង ខេត្តព្រៃវែង ។
សមត្ថកិច្ចនៅមូលដ្ឋានបានឱ្យដឹងថា ជនរងគ្រោះនៅក្នុងហេតុការណ៍ខាងលើមានឈ្មោះ ខេង ណាន ភេទប្រុស អាយុ៥១ឆ្នាំ នៅភូមិព្រហ្ម ឃុំព្រៃព្នៅ ស្រុកពារាំង ព្រៃវែង ។
នៅមុនពេលកើតហេតុគេបានឃើញជនរងគ្រោះបានបើកម៉ូតូម៉ាកឌ្រីមសង់ C125 បើកបរទិសដៅពីជើងទៅត្បូងលុះមកដល់ចំណុចកើត ម៉ូតូបានជ្រុលទៅបុករថយន្តមួយគ្រឿង ពាក់ផ្លាកលេខ ភ្នំពេញ ៣B-៤៩៥៣ បើកបរដោយឈ្មោះ ប៉េង មួយលាង ភេទប្រុស អាយុ៤៣ឆ្នាំ នៅភូមិកញ្ចំ ឃុំកញ្ច ស្រុកពារាំង ខេត្តព្រៃវែង ដែលបើកបរទិសដៅបញ្ជ្រាសគ្នាបណ្តាលឱ្យអ្នកបើកបរម៉ូតរងរបួស ហើយត្រូវបញ្ជូនទៅពេទ្យបង្អែកស្រុកពារាំងភ្លាមៗផងដែរ ។ ចំណែកម៉ូតូ និងរថយន្តសមត្ថកិច្ចបានយកមករក្សាទុកនៅប៉ុស្តិ៍រដ្ឋបាលកញ្ចំដើម្បីកសាងសំណុំរឿងតាមនីតិវិធីច្បាប់ ៕
ចែករំលែកព័តមាននេះ