ព្រឹត្តិការណ៍ដ៏រន្ធត់មួយមានការចាប់អារម្មណ៍ពីមហាជននៅលើពិភពលោក គឺនាវាទេសចរណ៍មួយធ្លុះធ្លាយចូលទឹកលិចផ្លូវដើរ និងបន្ទប់របស់អ្នកដំណើរនៅក្នុងសមុទ្រ «ការីបៀន» ។ ហេតុការណ៍នេះមានលក្ខណៈស្រដៀងនឹងភាពយន្តរឿង«ទីតានិក» ។ ហេតុការណ៍បានប៉ះពាល់ដល់អ្នកដំណើរដែលស្នាក់នៅក្នុងបន្ទប់ប្រហែល៥០ ព្រោះទឹកបានធ្លាយលិចបន្ទប់របស់ពួកគេ ។…
ព្រឹត្តិការណ៍ដ៏រន្ធត់មួយមានការចាប់អារម្មណ៍ពីមហាជននៅលើពិភពលោក គឺនាវាទេសចរណ៍មួយធ្លុះធ្លាយចូលទឹកលិចផ្លូវដើរ និងបន្ទប់របស់អ្នកដំណើរនៅក្នុងសមុទ្រ «ការីបៀន» ។ ហេតុការណ៍នេះមានលក្ខណៈស្រដៀងនឹងភាពយន្តរឿង«ទីតានិក» ។
ហេតុការណ៍បានប៉ះពាល់ដល់អ្នកដំណើរដែលស្នាក់នៅក្នុងបន្ទប់ប្រហែល៥០ ព្រោះទឹកបានធ្លាយលិចបន្ទប់របស់ពួកគេ ។ តាមការពិនិត្យមើលឃើញថា ចរន្តទឹកបានហូរពីជាន់លើដោយបាញ់ចេញពីរន្ធនានានៅតាមជញ្ជាំងនាវា មិនយូរប៉ុន្មានទឹកក៏ជន់លិចត្រឹមកជើង ។
អ្នកជំនាញ និងបុគ្គលិនៅលើនាវា បាននាំគ្នាទប់ស្កាត់ស្ថានការណ៍ និងបាចទឹកចេញដោយប្រើគ្រប់វិធីសាស្ត្រ ហើយមិនយូរប៉ុន្មានក៏វិលទៅរកភាពប្រក្រតីវិញ ប៉ុន្តែអ្នកដំណើរមិនអាចចូលទៅស្នាក់នៅបាន ព្រោះសើមពេញបន្ទប់ ។
អ្នកជំនាញនៅក្នុងនាវា «Carnival Cruise Lines» បានបញ្ជាក់ថា មូលហេតុដែលកើតឡើង ព្រោះមានបញ្ហាលើប្រព័ន្ធទប់កម្តៅជួយក្នុងការពន្លត់អគ្គិភ័យ ធ្វើឲ្យប្រព័ន្ធបាញ់ទឹកពន្លត់ភ្លើងដំណើរការដោយស្វ័យប្រវត្តិ ។ បច្ចុប្បន្នកំពុងត្រួតពិនិត្យបន្ថែម ។
អ្នកទទួលខសត្រូវលើនាវាបានសុំទោសដល់អ្នកដំណើរ និងអតិថិជនដែលជួបព្រឹត្តិការណ៍នោះ រួមទាំងរីករាយនឹងផ្ដល់សំបុត្រធ្វើដំណើរ និងថ្លៃស្នាក់នៅដល់អតិថិជន រួមទាំងផ្ដល់ប័ណ្ណជាកាដូដោយបញ្ចុះថ្លៃ៥០ភាគរយនៅពេលក្រោយ ៕
ចែករំលែកព័តមាននេះ