រាជធានីភ្នំពេញ ៖ ក្រុមជនសង្ស័យថាជាមុខសញ្ញាចោរប្លន់ចំនួន៨នាក់ ដែលបានធ្វើសកម្មភាពវាយប្លន់ ស្ត្រីម្នាក់យកម៉ូតូម៉ាកហុងដាស្កូបពី១គ្រឿងនៅក្នុងភូមិសាស្ត្រខណ្ឌដូនពេញ។ បន្ទាប់មកបានរត់គេចខ្លួន មកសម្ងំលាក់ខ្លួននៅផ្ទះជួលក្នុងភូមិប៉ប្រកខាងត្បូង សង្កាត់កាកាបទី១ ខណ្ឌពោធិ៍សែនជ័យ ហើយត្រូវបានកម្លាំងនគរបាលព្រហ្មទណ្ឌខណ្ឌពោធិ៍សែនជ័យឃាត់ខ្លួនបាន។ ក្នុងខណៈពេលកំពុង ផឹកស៊ីជុំគ្នាកាលពីវេលាម៉ោង៨ព្រឹក ថ្ងៃទី០៦ ខែឧសភា ឆ្នាំ២០១៨នោះ ត្រូវបានស្គាល់អត្តសញ្ញាណ ហើយ ចំណែកស្ត្រីរងគ្រោះក៏ត្រូវបានស្គាល់ឈ្មោះដែរ។ ជនសង្ស័យទាំង៨នាក់នោះរួមមាន១.ឈ្មោះ ឈៃ យ៉ាង អាយុ១៩ឆ្នាំ មុខរបរកម្មករោងចក្រ ស្នាក់នៅបន្ទប់ផ្ទះជួលស្ថិតនៅក្នុងភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ។ ២.ឈ្មោះ កៅ ភារៈ អាយុ២១ឆ្នាំ មុខរបរមិនពិតប្រាកដ ស្នាក់នៅក្នុងស្រុកគងពិសី ខេត្តកំពងស្ពឺ។ ៣.ឈ្មោះ កែវ ភិរម្យ អាយុ២៤ឆ្នាំ មុខរបរមេការផ្ទះជួល ស្នាក់នៅក្នុងភូមិប៉ប្រកខាងជើង សង្កាត់កាកាបទី១ ខណ្ឌពោធិ៍សែនជ័យ។
ទី៤.ឈ្មោះ អ៊ីម ភារ៉ា អាយុ២០ឆ្នាំ មុខរជាងម៉ាស៊ីនត្រជាក់ ស្នាក់នៅផ្ទះគ្មានលេខ សង្កាត់អូរបែកក្អម ខណ្ឌសែនសុខ។ ទី៥.ឈ្មោះ ភី សេងហៀង អាយុ១៨ឆ្នាំ មុខរបររត់តុ ស្នាក់នៅផ្ទះជួលភូមិក្នុងត្រពាំងថ្លឹង សង្កាត់ចោមចៅទី១ ខណ្ឌពោធិ៍សែនជ័យ។ ៦.ឈ្មោះ ថន បញ្ញា អាយុ១៩ មុខរបរមិនពិតប្រាកដ ស្នាក់នៅផ្ទះលេខ១៥ZE0 សង្កាត់បឹងកេងកង១ ខណ្ឌចម្ការមន។ ៧.ឈ្មោះ ហេង សំណាង អាយុ ២២ឆ្នាំ មុខរបរកម្មករទឹកសុទ្ធ ស្នាក់នៅផ្ទះជួល នៅក្នុងភូមិដំណក់ សង្កាត់ស្ទឹងមានជ័យ ខណ្ឌមានជ័យ។ ៨.ឈ្មោះ គិន សាម៉េត អាយុ៣០ឆ្នាំ មុខរបរមិនពិតមានទីលំនៅ ក្នុងឃុំសែនដី ស្រុកសំរោងទង ខេត្តកំពង់ស្ពឺ។ ចំណែកស្ត្រីដែលជាជនរងគ្រោះឈ្មោះ សាំង សុភ័ណ អាយុ២២ឆ្នាំ មុខរបររត់តុនៅក្នុងភោជនីយដ្ឋានម្ដុំមាត់ទន្លេ ត្រូវចោរប្លន់នោះម៉ាក ហុងដាស្កូបពី ពណ៌ក្រហម ពាក់ស្លាកលេខ ភ្នំពេញ 1GT-2137។
សូមរំលឹកផងដែរថា ហេតុការណ៍វាយប្លន់យកម៉ូតូនោះ បានកើតឡើងកាលពីវេលាម៉ោង៣ទៀបភ្លឺ ឈានចូលថ្ងៃទី០៦ ខែឧសភា ឆ្នាំ២០១៨ នៅត្រង់ចំណុចមុខភោជនីយដ្ឋានយីហោ«មេត្រូ»ដែលមានទីតាំងស្ថិតនៅម្តុំមាត់ទន្លេ ក្នុងខណ្ឌដូនពេញ រាជធានីភ្នំពេញ។ ប្រភពដដែលបានបន្តឲ្យដឹងទៀតថា នៅមុនពេលកើតហេតុស្ត្រីរងគ្រោះបានចេញពី ភោជនីយដ្ឋានជិះម៉ូតូក្នុងបំណងទៅផ្ទះ ស្រាប់តែលេចមុខក្រុមជនសង្ស័យទៅដល់ធ្វើសកម្មភាពព្រួតវាយ ប្លន់យកម៉ូតូជិះគេចខ្លួនបាត់ស្រមោល។ ក្រោយពេលកើតហេតុស្ត្រីរងគ្រោះបានតាមរកតាមរយៈ ប្រព័ន្ធតាមដានGPS ហើយបានដឹងថា ក្រុមជនសង្ស័យកំពុងលាក់ខ្លួននៅក្នុងផ្ទះជួលខាងលើ ក៏បានប្ដឹងនគរបាលឲ្យចាប់ខ្លួនចាត់ការតាមច្បាប់តែម្ដង៕
https://youtu.be/Vrj6VgRlVWA
ចែករំលែកព័តមាននេះ