រវល់ទៅលេងភ្លេងឆៃយ៉ាំ ត្រូវអគ្គិភ័យឆេះផ្ទះអស់
- កំពង់ធំ
ខេត្តកំពង់ធំ ៖ នៅវេលាម៉ោង៨ និង៣០នាទី ព្រឹកថ្ងៃទី០៧ ខែឧសភា ឆ្នាំ២០១៨នេះ ស្ថិតនៅភូមិវាលអំពិល ឃុំទ្រាល ស្រុកបារាយណ៍…
ខេត្តកំពង់ធំ ៖ នៅវេលាម៉ោង៨ និង៣០នាទី ព្រឹកថ្ងៃទី០៧ ខែឧសភា ឆ្នាំ២០១៨នេះ ស្ថិតនៅភូមិវាលអំពិល ឃុំទ្រាល ស្រុកបារាយណ៍ ខេត្តកំពង់ធំ មានគ្រោះអគ្គិភ័យមួយបានកើតឡើង បណ្ដាលឲ្យលំនៅដ្ឋានមួយខ្នង ទំហំ៦ម៉ែត្រ គុណនឹង៨ម៉ែត្រ អស់ទាំងស្រុង ព្រមទាំងសម្ភារមួយចំនួនទៀតត្រូវបានភ្លើងឆេះអស់។
សមត្ថកិច្ចបានឲ្យដឹងថា ហេតុការណ៍បានបណ្តាលឲ្យឆេះផ្ទះ១ខ្នងដែលមាន ទំហំ៦ម៉ែត្រ គុណនឹង៨ម៉ែត្រ ធ្វើអំពីឈើប្រក់ក្បឿងជញ្ជាំងក្ដារឆេះអស់ស្រុង រួមនឹងឆេះសម្ភារមួយចំនួនទៀត ដែលជាកម្មសិទ្ធរបស់ជនរងគ្រោះឈ្មោះ តេង យ៉ាំ ភេទប្រុស អាយុ៧០ឆ្នាំ រស់នៅភូមិកើតហេតុខាងលើ បើយោងតាមការបញ្ជាក់របស់សមត្ថកិច្ច។
នៅក្នុងហេតុការណ៍នេះ កម្លាំងសមត្ថកិច្ចបានប្រើរថយន្តទឹកជួយបាញ់ពន្លត់អស់ចំនួន២រថយន្ត ដើម្បីកុំឲ្យឆេះរាលដាល ដល់ផ្ទះអ្នកជិតខាង មូលហេតុម្ចាស់ផ្ទះមិននៅផ្ទះដោយជាប់រវល់ទៅលេងភ្លេងឆៃយ៉ាំ មិនបានបិទបារ៉ែតភ្លើង បណ្តាលឲ្យទុស្សេខ្សែភ្លើងឆេះសន្ធោសន្ធៅតែម្តង៕
ចែករំលែកព័តមាននេះ