ពីធាត់ដូចជ្រូកក្លាយជាប្រុសសាច់ដុំក្នុងពេលដ៏ខ្លី
ចិន ៖ តាមប្រភពព័ត៌មាន Oddity Central បានឲ្យដឹងថា Zhang Shuai ជានិស្សិតអាយុ២២ឆ្នាំ នៅវិទ្យាស្ថានបច្ចេកវិទ្យា…
ចិន ៖ តាមប្រភពព័ត៌មាន Oddity Central បានឲ្យដឹងថា Zhang Shuai ជានិស្សិតអាយុ២២ឆ្នាំ នៅវិទ្យាស្ថានបច្ចេកវិទ្យា Heilognjiang ក្នុងក្រុង Harbin នៃប្រទេសចិន ក្លាយទៅជាបុរសសាច់ដុំកង់ៗ ដោយគ្រាន់តែចំណាយពេល៦ខែ ខណៈដែលរូបគេពីមុនធាត់ដូចជ្រូក។ Shuai ទទួលបានចំណាប់អារម្មណ៍យ៉ាងខ្លាំង បន្ទាប់ពីលោកកែប្រែរូបរាងដែលលើសទម្ងន់របស់ខ្លួនមកក្លាយជាជើងឯកផ្នែកកាយវប្បកម្ម ប្រចាំតំបន់។
Shuai ធ្លាប់ជាកីឡាករឆ្នើមម្នាក់ ក្នុងក្រុមបាល់កន្ត្រកនៅមហាវិទ្យាល័យរបស់ខ្លួន ប៉ុន្តែប៉ុន្មានឆ្នាំមុនលោកបានទទួលរងរបួសដ៏ធ្ងន់ធ្ងរដែលធ្វើឲ្យលោកបោះបង់កីឡានេះ និងធ្លាក់ខ្លួនក្នុងសភាពជំងឺបាក់ទឹកចិត្តថែមទៀត។
ព្រោះតែការទទួលទានចំណីអាហារលើសលប់ ខណៈដែលមិនមានការលេងកីឡាហាត់ប្រាណ លោកមើលឃើញទម្ងន់របស់លោកកើនបាន៤០គីឡូក្រាមឯណោះក្នុងរយៈពេល៦ខែ។
ប៉ុន្តែ៦ខែមុន លោកបានសម្រេចចិត្តថា នឹងកែប្រែរូបរាងរបស់លោកវិញ ហើយលោកបានចាប់ផ្តើមធ្វើលំហាត់ប្រាណសារជាថ្មីវិញ ខណៈដែលតមចំណីអាហារផងដែរ។ ប្រមាណកន្លះឆ្នាំកន្លងមក លោកស្ថិតក្នុងសភាពរាងកាយដែលល្អជាងគេក្នុងជីវិតលោក។
មិនត្រឹមតែស្រកទម្ងន់អស់ ៣០គីឡូក្រាមទេ ប៉ុន្តែលោកបានប្រទះឃើញក្តីស្រលាញ់ចំពោះការកសាងរាងកាយ ឬហៅថា Bodybuilding។ លោកបានក្លាយជាជ័យលាភី Bodybuilding មួយប្រចាំខេត្តថែមទៀត ហើយក្នុងពេលបច្ចុប្បន្នកំពុងតែធ្វើការជាគ្រូបង្វឹកផ្នែកលំហាត់ប្រាណក្រៅម៉ោងក្នុងកន្លែងហាត់កីឡាមួយក្នុងក្រុង Harbin៕
ចែករំលែកព័តមាននេះ