ខេត្តក្រចេះ ៖ ប្រភពពីអាជ្ញាធរស្រុកឆ្លូងបានឱ្យដឹងថា មានពលរដ្ឋប្រុស-ស្រី-ក្មេង-ចាស់ជាច្រើននាក់ បាននិងកំពុងសង្គ្រោះនៅឯមណ្ឌលសុខភាព និងមន្ទីរពេទ្យឆ្លូង ក្រោយកើតអាការៈឈឺក្បាល វិលមុខ និងក្អួតចង្អោគ្រប់គ្នា កើតឡើងកាលពីថ្ងៃទី៦…
ខេត្តក្រចេះ ៖ ប្រភពពីអាជ្ញាធរស្រុកឆ្លូងបានឱ្យដឹងថា មានពលរដ្ឋប្រុស-ស្រី-ក្មេង-ចាស់ជាច្រើននាក់ បាននិងកំពុងសង្គ្រោះនៅឯមណ្ឌលសុខភាព និងមន្ទីរពេទ្យឆ្លូង ក្រោយកើតអាការៈឈឺក្បាល វិលមុខ និងក្អួតចង្អោគ្រប់គ្នា កើតឡើងកាលពីថ្ងៃទី៦ ឧសភា ស្ថិតក្នុងភូមិប្រម៉ា ឃុំកំពង់ដំរី ស្រុកឆ្លូង ។ ករណីថ្មីនេះ គឺកំពុងសង្ស័យថា បណ្តាលមកពីពុលនំអន្សមអាំង ក្រោយពួកគាត់បានហូបនៅក្នុងភូមិនោះ ។
លោកវរសេនីយ៍ឯក ឆុង តូរ៉ាន់ អធិការស្រុកឆ្លូងបានប្រាប់ឱ្យដឹងថា ពលរដ្ឋដែលពុលគឺមានចំនួនជាង៤០នាក់ រស់នៅក្នុងភូមិប្រម៉ា ឃុំកំពង់ដំរី ស្រុកឆ្លូង ក្នុងនោះមានជាង២០នាក់ កើតមានអការៈធ្ងន់ធ្ងរ និងក៏ត្រូវបានអាជ្ញាធរស្រុក ចាត់មកសង្គ្រោះភ្លាមៗ។
លោកបន្តថា អការៈរបស់អ្នកភូមិបែបនេះ គឺកើតមានឡើងក្រោយពេលដែលពួកគាត់នាំគ្នាហូបនំអន្សមអាំង ដែលទិញពីស្ត្រីម្នាក់លក់នៅក្នុងភូមិ ។ ក្រោយជួបអការៈបែបនេះ ពលរដ្ឋចំនួនជាង២០នាក់ត្រូវបានជួយសង្គ្រោះទាន់ ហើយក៏ធូរស្រាលវិញហើយ ដោយមិនបង្កឱ្យប៉ះពាល់ដល់អាយុជីវិតនោះទេ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ