ខេត្តត្បូងឃ្មុំ ៖ ជនសង្ស័យ២នាក់ត្រូវបានសមត្ថកិច្ចចាប់បញ្ជូនទៅអយ្យការអមសាលាដំបូងខេត្តចាត់វិធានការតាមច្បាប់ ដោយចោទប្រកាន់បទលួចសត្វក្របីចំនួន៥ក្បាល របស់ប្រជាពលរដ្ឋនៅភូមិឃ្លៃ ឃុំទ្រៀក ស្រុកមេមត់ ដើម្បីយកទៅលក់នៅប្រទេសវៀតណាម ។
លោកអនុសេនីយ៏ឯក ចាន់ ឌុល អធិការរងនគរបាលស្រុកមេមត់ឲ្យដឹងថា នៅចន្លោះពីម៉ោង១ដល់
ម៉ោង៣ទៀបភ្លឺឈានចូល ថ្ងៃទី៥ ឧសភា ២០១៨ ត្រង់ចំណុចផ្ទះរបស់ឈ្មោះអូន ស្រេន ភេទស្រីអាយុ៥៧ឆ្នាំ ស្ថិតនៅភូមិឃ្លៃ ឃុំទ្រៀក មានករណីលួចក្របីដែលបង្កដោយជនសង្ស័យ២នាក់ ក្នុងនោះម្នាក់ឈ្មោះ វ៉ន ដន ភេទប្រុស អាយុ៥៣ឆ្នាំ នៅភូមិពន្លា ឃុំទ្រៀក និងម្នាក់ទៀតឈ្មោះ ស៊ុន ចាន់នី ភេទប្រុស អាយុ៣៧ឆ្នាំ នៅភូមិបុស្ស ឃុំរូង ស្រុកមេមត់ ស្នាក់នៅបណ្តោះអាសន្នភូមិព្រះពន្លា ឃុំទ្រៀក ស្រុកមេមត់ ដោយបានធ្វើសកម្មភាពលួចដឹកឆ្លងដែនចេញពីស្រុកមេមត់ ក្នុងគោលបំណងយកទៅលក់នៅប្រទេសវៀតណាម ។
លោកអនុសេនីយ៏ឯក ចាន់ ឌុល អធិការងនគរបាលស្រុកមេមត់បន្តថា ក្រោយពីបាត់ក្របី ម្ចាស់បាន
ទៅប្តឹងនគរបាលការពារព្រំដែនសូទៃឲ្យជួយអន្តរាគមន៏តាមរកក្របីដែលចោរលួចទៅបាត់នោះ ។
ជាមួយនោះលោកវរសេនីយ៏ឯក ហុង គឹមហឿន អធិការនគរបាលស្រុកមេមត់ បានរាយការណ៏ទៅ
លោកឧត្តមសេនីយ៏ទោ បែន រ័ត្ន ស្នងការនគរបាលខេត្ត ក្រោមកិច្ចសហការល្អជាមួយនឹងនគរបាល
ប្រទេសវៀតណាមនោះ នាវេលាម៉ោង៤និង៤៥នាទីរសៀលថ្ងៃដដែល សមត្ថកិច្ចវៀតណាមបានតាម
រកឃើញក្រុមជនសង្ស័យទាំង២នាក់ខាងលើ កំពុងតែដឹកក្របីចំនួន៥ក្បាលនៅក្នុងទឹកដីប្រទេសវៀតណាមហើយក៏បានចាប់ខ្លួនយកមកប្រគល់មកឲ្យនគរបាលការពារព្រំដែនសូទៃ ដើម្បីចាត់ការបន្ត។
អនុសេនីយ៏ឯក ចាន់ ឌុល អធិការរងនគរបាលស្រុកមេមត់ ទទួលផែនព្រហ្មទណ្ឌបញ្ជាក់ថា ជនសង្ស័
យទាំង២នាក់ខាងលើត្រូវបានបញ្ជូនទៅអយ្យការអមសាលាដំបូងខេត្ត នាព្រឹកថ្ងៃទី៧ ឧសភា
ចោទពីបទលួច ។ ចំណែកក្របីទាំង៥ក្បាលនោះត្រូវបានគរបាលវៀតណាម និងនគរបាលការពារព្រំដែនសូទៃ បានប្រគល់ឲ្យមកម្ចាស់ដើមវិញផងដែរ៕
ចែករំលែកព័តមាននេះ