ជឿគ្រូយកលាមកកប់ប្រពន្ធរហូតដល់ស្លា.ប់
Daily Mail របស់អង់គ្លេសផ្សាយថា ស្ត្រីម្នាក់រស់នៅភូមិមួយក្នុងក្រុង Bulandshahr រដ្ឋ uttar pradesh ភាគខាងជើង ប្រទេសឥណ្ឌា…
Daily Mail របស់អង់គ្លេសផ្សាយថា ស្ត្រីម្នាក់រស់នៅភូមិមួយក្នុងក្រុង Bulandshahr រដ្ឋ uttar pradesh ភាគខាងជើង ប្រទេសឥណ្ឌា ត្រូវពស់ចឹក ហើយគ្រូពស់បានប្រាប់ពីវិធីសាស្ត្រព្យាបាលឲ្យយកអាចម៌គោកប់លើរាងកាយ តែទីបំផុតបានស្លាប់បាត់បង់ជីវិត ។
នារីរងគ្រោះឈ្មោះដេវ៉េនឌ្រី (Devendri) អាយុ៣៥ឆ្នាំ ត្រូវពស់ចឹកដៃក្នុងពេលចេញទៅរកអុស ។ នាងបានរត់ទៅផ្ទះប្រាប់ប្ដី តែប្ដីបែរជាមិននាំទៅព្យាបាលនៅមន្ទីរពេទ្យបែរជានាំទៅរកគ្រូពស់នៅក្នុងភូមិ ។ គ្រូពស់បានប្រាប់ពីវិធីសាស្ត្រព្យាបាលដ៏ចម្លែក ឲ្យយកអាចម៌គោកប់លើរាងកាយដើម្បីបឺតពឹសចេញ ។ ប្ដីរបស់នាងក៏ជឿ ហើយខំរកអាចម៌គោកប់រាងកាយប្រពន្ធ និងមានអ្នកភូមិជាច្រើនចោមរោមមើល ប៉ុន្តែក្រោយពីរំលងបាន៧៥នាទី នាងក៏ស្លាប់បាត់បង់ជីវិត ។
ចំណែកលោកមូរ៉ារ៉េ (Murarey) ជាគ្រូពស់បានសារភាពថាមូលហេតុដែលធ្វើឲ្យនាងស្លាប់បាត់បង់ជីវិត ព្រោះថប់ដង្ហើម ខណៈពេលបុរសជាប្ដីត្រូវទទួលបន្ទុកចិញ្ចឹមកូនចំនួន៥នាក់តែម្នាក់ឯង ។
ប៉ូលិសនៅតំបន់កើតហេតុបានបញ្ជាក់ថា សមត្ថកិច្ចមិនបានទទួលរបាយការណ៍ពីហេតុការណ៍ដែលបានកើតឡើងទេ ៕
ចែករំលែកព័តមាននេះ