ខេត្តក្រចេះ ៖ សេចក្តីរាយការណ៍បានបន្តឱ្យដឹងទៀត ពាក់ព័ន្ធករណីដែលមានប្រជាពលរដ្ឋបានស្លាប់ និងទទួលរងគ្រោះច្រើននាក់ដែលសង្ស័យបណ្តាលមកពីការពុល នៅព្រឹកថ្ងៃទី០៧ ឧសភា នេះ គឺបានឃើញទិដ្ឋភាពផ្ទាល់ក្នុងភូមិ គឺមានសភាពស្ងាត់ជ្រងំ ខណៈដែលមានអ្នកភូមិផ្សេងៗទៀតបាននិងកំពុងជម្លៀសខ្លួនចេញពីភូមិផងដែរ ដើម្បីសុវត្ថិភាព ។
គួររំលឹកថា ហេតុការណ៍ពុលដ៏រន្ធត់នេះ គឺបានកើតឡើងទៅលើបងប្អូនជនជាតិព្នង រស់នៅក្នុងភូមិស្រែនន ឃុំកន្ទួត ស្រុកចិត្របុរី សង្ស័យបណ្តាលមកពីពុលទឹកព្រែកទេរ ។ គិតមកទល់ថ្ងៃដដែលនេះដែរ មានរបាយការណ៍បន្ថែមឱ្យដឹងថា ចំនួនប្រជាពលរដ្ឋបានស្លាប់ គឺកើនដល់១៤នាក់ហើយ ក្នុងនោះមានស្រី៩នាក់ ។ រីឯអ្នករងគ្រោះមានចំនួនជាង២០០នាក់ ដែលកំពុងធ្វើការសង្គ្រោះ ។
ជួបផ្ទាល់ជាមួយកោះសន្តិភាព ពលរដ្ឋម្នាក់ឈ្មោះព្រួត នាត អាយុ៥៥ឆ្នាំបានឱ្យដឹងដែរថា គាត់មានការព្រួយបារម្ភខ្លាំងណាស់ នៅពេលឃើញអ្នកភូមិបានស្លាប់ជាបន្តបន្ទាប់នេះ ដែលភូមិគាត់មិនដែលជួបបាតុភាពចលាចលបែបនេះទេ នាកន្លងមក ។
គាត់បន្តថា គាត់សុំធ្វើការអំពាវនាវឱ្យអាជ្ញាធរពាក់ព័ន្ធ មេត្តាជួយពន្លឿនក្នុងការស្រាវជ្រាវរកមូលហេតុឱ្យឃើញច្បាស់ពិតប្រាកដ ដើម្បីឱ្យអ្នកភូមិឆាប់បានវិលចូលមកលំនៅឋានវិញ ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
គួររំលឹកថា ៖
https://kohsantepheapdaily.com.kh/article/633120.html
ចែករំលែកព័តមាននេះ