រាជធានីភ្នំពេញ ៖ ពាក់ព័ន្ធករណីពុលស្រា.ស និងសង្ស័យពុលទឹកនៅខេត្តក្រចេះ ដែលបានបណ្តាលឲ្យមានអ្នកភូមិចំនួន១១នាក់បានស្លាប់ និងប្រមាណជាង ១០០ នាក់ផ្សេងទៀតធ្លាក់ខ្លួនឈឺ និងកំពុងទទួលការព្យាបាលនៅតាមមន្ទីរពេទ្យនោះ ក្រសួងសុខាភិបាលបានចេញនូវសេចក្តីប្រកាសព័ត៌មានបញ្ជាក់ថា…
រាជធានីភ្នំពេញ ៖ ពាក់ព័ន្ធករណីពុលស្រា.ស និងសង្ស័យពុលទឹកនៅខេត្តក្រចេះ ដែលបានបណ្តាលឲ្យមានអ្នកភូមិចំនួន១១នាក់បានស្លាប់ និងប្រមាណជាង ១០០ នាក់ផ្សេងទៀតធ្លាក់ខ្លួនឈឺ និងកំពុងទទួលការព្យាបាលនៅតាមមន្ទីរពេទ្យនោះ ក្រសួងសុខាភិបាលបានចេញនូវសេចក្តីប្រកាសព័ត៌មានបញ្ជាក់ថា កាលពីរាត្រីថ្ងៃទី ៥ ខែឧសភា គឺមានករណីពុលស្រា និងទឹក កើតឡើងនៅស្រុកចិត្របុរី ដោយមានរោគសញ្ញា ឈឺពោះ ក្អួតចង្អោរ ឈឺក អស់កម្លាំង ទន់ដៃទន់ជើង និងថប់ដង្ហើមជាដើម។
តាមរយៈការអង្កេតស្រាវជ្រាវ ដោយក្រុមការងារឆ្លើយតបបន្ទាន់ថ្នាក់ជាតិ និងថ្នាក់ខេត្ត តាមរយៈការយកកាកសំណល់នានា ដូចជាស្រាស. និងទឹក ហើយក្រសួងសុខាភិបាលបានសម្រេចចាត់វិធានការដែលបានដាក់ចេញរបស់អាជ្ញាធរមូលដ្ឋានរួមមាន ៖
១- ការបញ្ឈប់ ការបិត និងលក់ស្រា.ស ក្នុងមូលដ្ឋាន ។
២- បំរាមប្រជាជនក្នុងភូមិ កុំឲ្យប្រើប្រាស់ទឹកអូរក្នុងតំបន់សង្ស័យ និងជួយដឹកទឹកស្អាតផ្គត់ផ្គង់ដល់អ្នកភូមិ។
៣- អប់រំអនាម័យរស់នៅ និងហូបស្អាតដល់ប្រជាជនក្នុងភូមិ ។
លិខិតរបស់ក្រសួងបានបញ្ជាក់ទៀតថា អ្នកជំងឺ១២នាក់ដែលបានបញ្ជួនមកមន្ទីរពេទ្យកាល់ម៉ែត គឺមានម្នាក់ស្ថិតក្នុងស្ថានភាពធ្ងន់ធ្ងរខ្លាំងមែនទែន ។ អ្នកជំងឺដែលបានបញ្ជួនមកដល់មន្ទីរពេទ្យកាល់ម៉ែតទាំងអស់ សុទ្ធតែមានរោគសញ្ញាពុលស្រាដែលមានជាតិមេតាណុលខ្ពស់ ។
ដូច្នេះសូមអានលិខិតរបស់ក្រសួង សម្រាប់ព័ត៌មានលម្អិត
ចែករំលែកព័តមាននេះ