ខេត្តប៉ៃលិន ៖ ក្មេងស្រីតូចម្នាក់បានបែកពពុះមាត់ប្រកាច់ស្លាប់ភ្លាមៗនៅនឹងកន្លែង ខណៈឪពុកដាក់ថ្នាំឱ្យកូនលេបហួសកម្រិត និងមានលាយជាមួយប្រេងកូឡាថែមទៀត ដោយមិនបានធ្វើតាមការណែនាំរបស់គ្រូពេទ្យនោះទេ ។ ហេតុការណ៍ឪពុកឱ្យកូនលេបថ្នាំហួសកម្រិត និងលាយប្រេងកូឡាបណ្តាលឱ្យស្លាប់នេះបានកើតឡើងកាលពីវេលាម៉ោង៧និង៣០នាទីយប់ ថ្ងៃទី០៦…
ខេត្តប៉ៃលិន ៖ ក្មេងស្រីតូចម្នាក់បានបែកពពុះមាត់ប្រកាច់ស្លាប់ភ្លាមៗនៅនឹងកន្លែង ខណៈឪពុកដាក់ថ្នាំឱ្យកូនលេបហួសកម្រិត និងមានលាយជាមួយប្រេងកូឡាថែមទៀត ដោយមិនបានធ្វើតាមការណែនាំរបស់គ្រូពេទ្យនោះទេ ។ ហេតុការណ៍ឪពុកឱ្យកូនលេបថ្នាំហួសកម្រិត និងលាយប្រេងកូឡាបណ្តាលឱ្យស្លាប់នេះបានកើតឡើងកាលពីវេលាម៉ោង៧និង៣០នាទីយប់ ថ្ងៃទី០៦ ខែឧសភា ឆ្នាំ២០១៨ ស្ថិតនៅចំណុចខាងក្រោយផ្សារព្រំក្រោម ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានបានឱ្យដឹងថា សពកុមារីរងគ្រោះមានឈ្មោះ ដារ៉ា រស្មី អាយុ០៤ឆ្នាំ មានឪពុកឈ្មោះ ឃួន ដារ៉ា អាយុ២៩ឆ្នាំ (ត្រូវជាឪពុកចុង) និងម្ដាយឈ្មោះ ឈុន ស្រីចាន់ អាយុ២១ឆ្នាំ មានទីលំនៅកន្លែងកើតហេតុខាងលើ ។
ប្រភពព័ត៌មានបន្តទៀតថា មុនពេលកើតហេតុគេឃើញបុរសជាឪពុកចុងបានទិញថ្នាំពេទ្យនៅកន្លែងលក់ក្បែរផ្ទះយកមកឱ្យកូនរបស់ខ្លួនលេបដោយសង្ស័យថា លេបថ្នាំហួសកម្រិតព្រោះមានថ្នាំផ្សំចំនួនពីរគ្រាប់ និងបីកំណាត់ និងមានថ្នាំអំពីសមួយគ្រាប់ថែមទៀត ខណៈកូនរបស់ខ្លួនប្រាប់ថា ឈឺចុកចាប់ក្នុងពោះហើយបន្ទាប់ពីលេបថ្នាំរួចបុរសរូបនោះក៏ឱ្យកូនស្រីរបស់ខ្លួនលេបប្រេងកូឡាចូលទៅក្នុងពោះបន្ថែមទៀត ទើបធ្វើឱ្យកូនត្រជាក់ដៃជើង និងរឹងថ្គាម ។ បន្ទាប់មកក៏បានដាច់ខ្យល់ស្លាប់ភ្លាមៗនៅក្នុងផ្ទះតែម្តង បច្ចុប្បន្នសពត្រូវបានក្រុមគ្រួសារយកទៅធ្វើបុណ្យតាមប្រពៃណី ។
ក្រោយពេលកើតហេតុនគរបាលក៏បានធ្វើការណែនាំដល់ឪពុកម្តាយកុមារីរងគ្រោះមុននឹងដាក់ថ្នាំឱ្យកូនរបស់ខ្លួនលេបត្រូវពិគ្រោះជាមួយគ្រូពេទ្យ ឬវេជ្ជបណ្ឌិតជាមុនសិនដើម្បីចៀសវាងមានវិប្បដិសារីនៅថ្ងៃខាងមុខ ៕
ចែករំលែកព័តមាននេះ