ខេត្តសៀមរាប ៖ បុរសវ័យពាក់កណ្តាលម្នាក់ដេកស្លាប់នៅក្នុងបន្ទប់ទឹកដោយសារគាំងបេះដូងនៅវេលាម៉ោង០៨និង៤០នាទីព្រឹក ថ្ងៃទី០៦ ខែឧសភា ឆ្នាំ២០១៨ ស្ថិតនៅក្រុមទី០២ ភូមិទ្រាំង សង្កាត់ស្លក្រាម ក្រុង-ខេត្តសៀមារាប…
ខេត្តសៀមរាប ៖ បុរសវ័យពាក់កណ្តាលម្នាក់ដេកស្លាប់នៅក្នុងបន្ទប់ទឹកដោយសារគាំងបេះដូងនៅវេលាម៉ោង០៨និង៤០នាទីព្រឹក ថ្ងៃទី០៦ ខែឧសភា ឆ្នាំ២០១៨ ស្ថិតនៅក្រុមទី០២ ភូមិទ្រាំង សង្កាត់ស្លក្រាម ក្រុង-ខេត្តសៀមារាប បង្កឱ្យមានការភ្ញាក់ផ្អើលដល់សមត្ថកិច្ច ។
ប្រភពពីសមត្ថកិច្ចជំនាញបានប្រាប់ថា មុនពេលកើតហេតុមានបងប្អូនបានរាយការណ៍ទៅកាន់សមត្ថកិច្ចមូលដ្ឋានថា មានករណីមនុស្សដេកស្លាប់នៅក្នុងបន្ទប់ទឹក ។ ក្រោយពីការត្រួតពិនិត្យរបស់កម្លាំងសមត្ថកិច្ចជំនាញ និងក្រុមគ្រូពេទ្យបានឱ្យដឹងថា ជនរងគ្រោះមានឈ្មោះ អ៊ុត ចំរើន ភេទប្រុស អាយុ៥១ឆ្នាំ មុខរបរសន្តិសុខ មានស្រុកកំណើត នៅភូមិបល្ល័ងខាងលិច ឃុំស្រយ៉ូវ ស្រុកកំពង់ស្វាយ ខេត្តកំពង់ធំ បច្ចុប្បន្នស្នាក់នៅក្នុងក្រុមហ៊ុនសន្តិសុខ ស្ថិតនៅភូមិអញ្ចាញ សង្កាត់នគរធំ ក្រុង-ខេត្តសៀមរាប ។
បើតាមការពិនិត្យនៅលើក្បាល មុខមាត់ ដងខ្លួន ជនរងគ្រោះពុំមានស្លាកស្នាមអ្វីគួរឱ្យកត់សំគាល់ដែលទាក់ទងទៅនឹងបទល្មើសព្រហ្មទណ្ឌទេ ។ មូលហេតុជនរងគ្រោះបណ្តាលឱ្យស្លាប់ គឺមកពីគាំងបេះដូង ។ បច្ចុប្បន្នសពជនរងគ្រោះត្រូវបានកម្លាំងសមត្ថកិច្ចជំនាញធ្វើការប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើតខេត្តកំពង់ធំ ៕
ចែករំលែកព័តមាននេះ