រាជធានីភ្នំពេញ ៖ ស្ត្រីវ័យក្មេងម្នាក់តូចចិត្តប្តីលួចមានស្រីស្ពាយបង្វិចឡើងមកលើស្ពានប៉ុនប៉ងលោតទឹក សម្លាប់ខ្លួន ហេតុការណ៍ភ្ញាក់ផ្អើលបានកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៧ ខែឧសភានេះ នៅលើស្ពានអាកាសព្រះមុន្នីវង្សថ្មី សង្កាត់ច្បារអំពៅ១ ខណ្ឌច្បារអំពៅ ។…
រាជធានីភ្នំពេញ ៖ ស្ត្រីវ័យក្មេងម្នាក់តូចចិត្តប្តីលួចមានស្រីស្ពាយបង្វិចឡើងមកលើស្ពានប៉ុនប៉ងលោតទឹក សម្លាប់ខ្លួន ហេតុការណ៍ភ្ញាក់ផ្អើលបានកើតឡើងកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី៧ ខែឧសភានេះ នៅលើស្ពានអាកាសព្រះមុន្នីវង្សថ្មី សង្កាត់ច្បារអំពៅ១ ខណ្ឌច្បារអំពៅ ។
ស្ត្រីគិតខ្លីមិនត្រូវបានស្គាល់អត្តសញ្ញាណទេ តាមប្រភពពីប្រជាពលរដ្ឋដែលបានឃើញហេតុការណ៍បានប្រាប់ឲ្យដឹងថា ពេលដែលគាត់ធ្វើដំណើរឆ្លងកាត់ទីនោះក៏ប្រទះឃើញនារីរងគ្រោះឈរនៅកណ្តាលស្ពានតែម្នាក់ឯង មានយួរថង់ខោអាវមួយថង់ ដោយសង្ស័យក៏ឈប់ម៉ូតូចាំមើល ស្រាប់តែនារីនោះបម្រុងឡើងលើបង្កាន់ដៃស្ពានលោតចុះទៅក្នុងទឹកក៏ត្រូវអ្នកដែលបានឃើញហេតុការណ៍ជួយឃាត់និយាយលួងលោមអង្វរ ដោយពាក្យសម្តីល្អៗ ឲ្យស្ត្រីរូបនោះគិតសារជាថ្មី ហើយក៏រាយការណ៍ទៅសមត្ថកិច្ចចុះមកជួយអន្តរាគមន៍ផងដែរ ។
ប្រជាពលរដ្ឋដែលនៅកន្លែងកើតហេតុបានសុំលេខទូរស័ព្ទរបស់សាច់ញាតិ ត្រូវស្ត្រីរូបនោះប្រាប់លេខទូរស័ព្ទប្តីរបស់នាង ពេលដែលទូរស័ព្ទប្រាប់បែរជាប្តីឆ្លើយថា មិនខ្វល់ទេ ហើយថែមទាំងនិយាយទៀតថា (បើវាចង់ស្លាប់ ឲ្យវាលោតទៅ) មានផ្ទះឲ្យនៅមិនចង់នៅ អញ្ចឹងវាចង់ទៅណាក៏ទៅៗនិយាយចប់ក៏បិទទូរស័ព្ទ ។
តាមសម្តីនារីរងគ្រោះបានបង្ហើបឲ្យដឹងថា មូលហេតុដែលធ្វើឲ្យគាត់គិតខ្លីបែបនេះ គឺដោយសារតែគាត់តូចចិត្តនឹងប្តីរបស់គាត់ លែងយល់ចិត្តគាត់ ហើយលួចមានស្រីខាងក្រៅ មិនដែលយល់ពីអារម្មណ៍គាត់ជាប្រពន្ធឡើយគិតតែខ្លួនឯង ទើបគាត់សម្រេចចិត្តចង់បញ្ចប់ជីវិតគាត់កុំឲ្យនៅឈឺចិត្តដោយសារ តែប្តីបែបនេះទៀត ។ ទោះជាយ៉ាងណាគ្មានអ្នកណាម្នាក់អាចបញ្ចាក់ឲ្យច្បាស់បាន ថា គ្រួសារស្ត្រីខាងលើមានជម្លោះនឹងគ្នា ដោយសារបញ្ហាអ្វីឲ្យប្រាកដនោះទេ ព្រោះពាក្យសម្តីអ្នកទាំង២និយាយចោទប្រកាន់គ្នាទៅវិញទៅមក ។
ក្រោយពីសមត្ថកិច្ចមូលដ្ឋានបានចុះទៅដល់កន្លែងកើតហេតុហើយប្រជាពលរដ្ធដែលឃើញហេតុកាណ៍ជួយឃាត់និយាយលួងលោមដោយពាក្យសម្តីល្អៗ នាងក៏យល់ព្រមមិនលោតទឹកទេ ហើយថែមទាំងនិយាយអរគុណអ្នកបានជួយឃាត់នាងទាំងទឹកភ្នែក បន្ទាប់មកសមត្ថកិច្ច និងប្រជាពលរដ្ឋក៏បានជួយជូននាងត្រឡប់ទៅដល់បន្ទប់ជួលនាង នៅឯសង្កាត់ព្រែកប្រាវិញដោយសុវត្ថិភាព ៕
ចែករំលែកព័តមាននេះ