រាជធានីភ្នំពេញ ៖ ប្តីប្រពន្ធមួយគូដោយសារភ្លើងប្រចណ្ឌបានប្រើហិង្សាដាក់គ្នាទៅវិញទៅមក ហើយខាងប្រពន្ធបានប្តឹងសមត្ថកិច្ចមូលដ្ឋានឱ្យនាំខ្លួនបុរសជាប្តីមកកាន់ប៉ុស្តិ៍ ហេតុការណ៍នេះបង្កភ្ញាក់ផ្អើលដល់អ្នកជិតខាងមកចោមមើលកាលពីម៉ោង៩យប់ថ្ងៃទី៥ ឧសភា នៅផ្ទះអ៊ុតសក់យីហោ សាយ៉ាណា ស្ថិតក្នុងភូមិជម្ពូវ័ន្ត សង្កាត់ចោមចៅ៣…
រាជធានីភ្នំពេញ ៖ ប្តីប្រពន្ធមួយគូដោយសារភ្លើងប្រចណ្ឌបានប្រើហិង្សាដាក់គ្នាទៅវិញទៅមក ហើយខាងប្រពន្ធបានប្តឹងសមត្ថកិច្ចមូលដ្ឋានឱ្យនាំខ្លួនបុរសជាប្តីមកកាន់ប៉ុស្តិ៍ ហេតុការណ៍នេះបង្កភ្ញាក់ផ្អើលដល់អ្នកជិតខាងមកចោមមើលកាលពីម៉ោង៩យប់ថ្ងៃទី៥ ឧសភា នៅផ្ទះអ៊ុតសក់យីហោ សាយ៉ាណា ស្ថិតក្នុងភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ។
បុរសជាប្តីខាងលើឈ្មោះ គឹម ឆាយ អាយុ៤៧ឆ្នាំ មុខរបរលក់ដូរ ស្នាក់នៅផ្ទះជួលផ្លូវបេតុង ភូមិជម្ពូវ័ន្ត សង្កាត់ចោមចៅ៣ ខណ្ឌពោធិ៍សែនជ័យ ចំណែកស្ត្រីជាប្រពន្ធឈ្មោះ ប៊ុត ឈា មុខរបរអ៊ុតសក់ ។
តាមសម្ដីបុរសជាប្តីបានប្រាប់ថា ក្រោយពីគាត់មកពីលក់ដល់ផ្ទះវិញមិនទាន់ហូបបាយផង ស្រាប់តែប្រពន្ធគាត់មករករឿង (ដោយការប្រច័ណ្ឌគាត់) រហូតមានទំនាស់សំដីគ្នាទៅវិញទៅមក ស្រាប់ប្រពន្ធគាត់លោតមកក្រញៅរលាត់ខ្នង និង.ក ធ្វើឱ្យគាត់ខឹងក៏ទះកំភ្លៀងវិញតែម្តង។
ពាក់ព័ន្ធករណីខាងលើនេះសមត្ថកិច្ចប្រាប់ថា ក្រោយពីនាំខ្លួនបុរសជាប្តីមកដល់ប៉ុស្តិ៍ ស្ត្រីជាប្រពន្ធបានសំណូមពរឱ្យធ្វើការអប់រំប្តីគាត់ និងធ្វើកិច្ចសន្យាបញ្ឈប់ប្រើហិង្សាមកលើគាត់ ។ ក្រោយពីធ្វើកិច្ចសន្យាចប់សមត្ថកិច្ចបានឱ្យបុរសជាប្តីផ្តិតមេដៃ និងឱ្យត្រឡប់ទៅផ្ទះវិញ៕
ចែករំលែកព័តមាននេះ