ខេត្តបាត់ដំបង ៖ កម្មវិធីចុះទស្សនកិច្ចជាក់ស្តែងបញ្ចប់វគ្គបំប៉នដឹកនាំបញ្ជាថ្នាក់មេបញ្ជាការកងអនុសេនាធំ និងវរសេនាតូចចំណុះយោធភូមិភាគទី៥ នាព្រឹកថ្ងៃទី៥ ខែឧសភា ឆ្នាំ២០១៨ បានរៀបចំកម្មវិធីចុះទស្សនកិច្ចជាក់ស្តែងមួយសម្រាប់កម្មសិក្សាការីចំនួន១១៨នាក់ វគ្គបំប៉នដឹកនាំបញ្ជា ថ្នាក់មេបញ្ជាការ កងអនុសេនាធំ និងវរសេនាតូច នៅទីបញ្ជាការវរសេនាតូចស៊ើបការណ៍ ដែលមានកម្លាំង១២០នាក់កំពុងឈរជើងនៅទីនេះចំណុះយោធភូមិភាគទី៥ ដែលមានមូលដ្ឋានឈរជើងនៅភ្នំធិបតី ក្នុងស្រុកគាស់ក្រឡ ខេត្តបាត់ដំបង ក្រោមអធិបតីភាពលោកឧត្តមសេនីយ៍ទោ ខាត់ ជន់ មេបញ្ជាការរង យោធភូមិភាគទី៥ ។
លោកឧត្តមសេនីយ៍ទោ ខាត់ ជន់ មេបញ្ជាការរងយោធភូមិភាគទី៥បានបញ្ជាក់ថា នេះជាកម្មវិធីជាក់ស្តែងមួយដើម្បីលើកកំពស់គុណភាពនៃការកសាងអង្គភាពបន្តទៀតដោយយកទីនេះជាគំរូដល់បណ្តាអង្គភាពដ៏ទៃៗទៀតលំដាប់ថ្នាក់មេបញ្ជាការយកទៅអនុវត្តន៍ដឹកនាំដោយជ្រើសយកចំណុចដែលល្អៗ និងការរីកចំរើនក្នុងអង្គភាពជាបន្តទៅទៀត ៕
ចែករំលែកព័តមាននេះ