ឃាត់ខ្លួនជនសង្ស័យ៣នាក់ ក្នុងបើកការបង្ក្រាបករណីញៀន
- ភ្នំពេញ
រាជធានីភ្នំពេញ ៖ នៅថ្ងៃសុក្រ ៥រោច ខែពិសាខ ព.ស២៥៦១ ត្រូវនឹងថ្ងៃទី០៤ ខែឧសភា ឆ្នាំ២០១៨ វេលាម៉ោង៥…
រាជធានីភ្នំពេញ ៖ នៅថ្ងៃសុក្រ ៥រោច ខែពិសាខ ព.ស២៥៦១ ត្រូវនឹងថ្ងៃទី០៤ ខែឧសភា ឆ្នាំ២០១៨ វេលាម៉ោង៥ និង៣០នាទី ក្រោយពីបើកការស្រាវជ្រាវកម្លាំងជំនាញខណ្ឌ ប៉ុស្តិ៍ បានចុះធ្វើការបង្ក្រាប ជាក់ស្តែងករណីជួញដូរនឹងប្រើប្រាស់នូវសារធាតុញៀនដោយខុសច្បាប់ ត្រង់ចំណុចផ្លូវបេតុង ក្រុម០៥ ភូមិឡកំបោរ សង្កាត់ស្វាយប៉ាក ជាលទ្ធផលក្នុងកិច្ចប្រតិបត្តិការណ៍នេះកម្លាំងបានឃាត់ខ្លួនជនសង្ស័យ ចំនួន០៣នាក់រួមមាន៖ ១/ឈ្មោះ ពៅ សំណាង ភេទប្រុស អាយុ១៨ឆ្នាំ ជនជាតិខ្មែរ ស្នាក់ផ្ទះគ្មានលេខ ភូមិស្ពាន់ខ្ពស់ សង្កាត់គីឡូ៦ (ជួញដូរ)។
២/ឈ្មោះ ងួន ពិសិទ្ធិ ភេទប្រុស អាយុ២៨ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅផ្ទះគ្មានលេខ ក្រុម៥ ភូមិឡកំបោរ(ប្រើប្រាស់)។ ៣/ឈ្មោះ សូ សុធា ភេទស្រី អាយុ១៨ឆ្នាំ ជនជាតិខ្មែរ ស្នាក់ទីតាំងខាងលើ មុខរបរមិនពិតប្រាកដក (ប្រើប្រាស់)។ វត្ថុតាងដែលសមត្ថកិច្ចដកហូតបានរួមមាន៖ ម្សៅក្រាមព៌ណសថ្លាចំនួន០៨កញ្ចប់តូច, ថង់សម្រាប់ច្រកគ្រឿងញៀនមួយចំនួន,ឧបករណ៍ប្រើប្រាស់គឿងញៀនមួយចំនួន។ ក្រោយពីសមត្ថកិច្ចឃាត់ខ្លួនជនសង្ស័យរួចមក កម្លាំងសមត្ថកិច្ចបន្តការស្រាវជ្រាវរកបក្ខពួក និងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី៕
https://youtu.be/PxWQqMYIgI0
ចែករំលែកព័តមាននេះ