អ្នកគ្រូត្រូវព្យួរឈ្មោះ ព្រោះការពិន័យសិស្សប្រុស
ចិន ៖ តាមប្រភពព័ត៌មាន Medium បានឲ្យដឹងថា គ្រូបង្រៀនសាលាមត្តេយ្យម្នាក់នៅ Pingdingshan ខេត្ត Henan ត្រូវបានព្យួរឈ្មោះ…
ចិន ៖ តាមប្រភពព័ត៌មាន Medium បានឲ្យដឹងថា គ្រូបង្រៀនសាលាមត្តេយ្យម្នាក់នៅ Pingdingshan ខេត្ត Henan ត្រូវបានព្យួរឈ្មោះ បន្ទាប់ពីដាក់ពិន័យសិស្សប្រុសម្នាក់ ដោយឲ្យសិស្សស្រីក្នុងថ្នាក់ស្តោះទឹកមាត់ដាក់។
អ្នកគ្រូត្រកូល Zhang បាននិយាយថា នាងធ្វើដូចនេះដោយសារតែចង់ដាក់ពិន័យលើសិស្សប្រុសម្នាក់ ដែលស្តោះទឹកមាត់ដាក់សិស្សស្រីម្នាក់។ មកពីសិស្សប្រុសនោះធ្វើបែបនេះដាក់មិត្តរួមថ្នាក់មុន ទើបអ្នកគ្រូ Zhang ដាក់ពិន័យបែបនេះ។
ទង្វើរបស់អ្នកគ្រូ Zhang ទាំងអស់ ត្រូវបានថតជាប់ដោយកាមេរ៉ាសុវត្ថិភាពនៅក្នុងបន្ទប់រៀន។ ក្រោយពីម្តាយឪពុករបស់ក្មេងប្រុសម្នាក់នោះបានដឹងរឿងនេះ ពួកគេបានមកដល់សាលាហើយប្តឹងដល់នាយក។
ចុងក្រោយអ្នកគ្រូត្រូវសាលាព្យួរឈ្មោះចោល ទោះបីជាទទួលលទ្ធផលបែបនេះក៏ដោយ ក៏អ្នកគ្រូ Zhang នៅតែមិនអស់ចិត្ត ហើយលើកឡើងថា សិស្សស្រីទាំងនោះមិនមែនស្តោះទឹកមាត់មែនទែននោះទេ។ ពួកគេគ្រាន់តែធ្វើលេង ជាការព្រមានប៉ុណ្ណោះ។
ដោយមិនអស់ចិត្ត ម្តាយឪពុករបស់ក្មេងប្រុសបានដាក់ពាក្យបណ្តឹងទៅកាន់តុលាការថែមទៀត ដើម្បីបន្ថែមទម្ងន់ទោសឲ្យគ្រូមត្តេយ្យខាងលើ៕
ចែករំលែកព័តមាននេះ