ខេត្តបាត់ដំបង ៖ សេចក្ដីរាយការណ៍បានឱ្យដឹងថា អគ្គិភ័យដែលគេសង្ស័យ បណ្ដាលមកពីការទុស្សេខ្សែភ្លើងបានឆេះចេញពីក្នុងផ្ទះថ្មមួយកន្លែង បង្កឱ្យភ្ញាក់ផ្អើលយ៉ាងខ្លាំងដោយសារតែផ្ទះកើតហេតុនោះ ស្ថិតនៅក្បែរស្ថានីយប្រេងសាំងផងដែរ ។ អគ្គិភ័យនេះ បានកើតឡើងកាលពីវេលាម៉ោង០៣…
ខេត្តបាត់ដំបង ៖ សេចក្ដីរាយការណ៍បានឱ្យដឹងថា អគ្គិភ័យដែលគេសង្ស័យ បណ្ដាលមកពីការទុស្សេខ្សែភ្លើងបានឆេះចេញពីក្នុងផ្ទះថ្មមួយកន្លែង បង្កឱ្យភ្ញាក់ផ្អើលយ៉ាងខ្លាំងដោយសារតែផ្ទះកើតហេតុនោះ ស្ថិតនៅក្បែរស្ថានីយប្រេងសាំងផងដែរ ។
អគ្គិភ័យនេះ បានកើតឡើងកាលពីវេលាម៉ោង០៣ និង១០នាទីរសៀលថ្ងៃទី០៤ ឧសភា នេះ ស្ថិតនៅក្នុងភូមិច្រាបវាល ឃុំអន្លង់វិល ស្រុកសង្កែ ។ គេមិនទាន់ស្គាល់ឈ្មោះម្ចាស់ផ្ទះនៅឡើយទេ ភ្លាមៗនេះ ។ បើតាមក្រុមគ្រួសារបានប្រាប់នៅកន្លែងកើតហេតុថា អគ្គិភ័យនេះ បណ្ដាលមកពីការទុស្សេខ្សែភ្លើងនៅក្នុងបន្ទប់ដេក ហើយឆេះសម្លៀកបំពាក់ ពូក ខ្នើយ និងសម្ភារមួយចំនួននៅក្នុងបន្ទប់នោះ។
តែទោះបីជាយ៉ាងណា គេឃើញរថយន្តពន្លត់អគ្គិភ័យរបស់ស្នងការខេត្ត បានចេញអន្តរាគមន៍ភ្លាមៗដែរ។ បើតាមសមត្ថកិច្ចបានប្រាប់ថា ភ្លើងបានឆេះសម្ភារនៅក្នុងបន្ទប់ មិនរាលដាលចេញក្រៅទេ តែវាបានបង្កឲ្យមានការភ្ញាក់ផ្អើលយ៉ាងខ្លាំង ដោយសារលំនៅឋាននេះ ស្ថិតនៅជាប់របងស្ថានីយប្រេងដ៏ធំមួយនៅក្បែរនោះ។ យ៉ាងណា សមត្ថកិច្ចនិងប្រជាពលរដ្ឋរួមទាំងម្ចាស់ បាននាំគ្នាជួយពន្លត់ភ្លើងនោះហើយ ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ