ប្រទេសរុស្ស៊ី ៖ ក្រសួងការពារប្រទេសរុស្ស៊ីរាយការណ៍ថា យន្តហោះប្រយុទ្ធរុស្ស៊ី១គ្រឿងបានធ្លាក់នាថ្ងៃទី៣ ឧសភា ក្នុងសមុទ្រមេឌីទែរ៉ាណេ ក្រោយហោះចេញពីមូលដ្ឋានអាកាសចរណ៍ស៊ីរីមួយ បណ្ដាលឲ្យអ្នកបើកទាំង២នាក់ស្លាប់។
ក្រសួងនោះគូសបញ្ជាក់ថា យន្តហោះប្រដេញធុន SU-30SM នោះធ្លាក់នាវេលាម៉ោង៩និង៤៥នាទីម៉ោងនៅក្រុងមូស្គូ ពេលវាកំពុងហោះឡើងចេញពីព្រលានយន្តហៅ HMEIMIM ជាមូលដ្ឋានអាកាសចរណ៍យោធារុស្ស៊ីនៅស៊ីរី។ យោងតាមកងទ័ពរុស្ស៊ីថា យន្តហោះអាចធ្លាក់មកពីបក្សី១ក្បាលចូលក្នុងម៉ាស៊ីន ព្រោះវាពុំរងការបាញ់ប្រហារណាមួយឡើយ។ យោងតាមសាក្សីឃើញផ្ទាល់ភ្នែកទាំងឡាយថា អ្នកបើកទាំង២ពុំមានពេលលោតចេញ ព្រោះតែពួកគេនៅក្រាញដល់នាទីចុងក្រោយជួយសង្គ្រោះយន្តហោះពួកគេ។
ពួកគេខិតខំធ្វើឲ្យយន្តហោះកំពុងធ្លាក់ងើបឡើងវិញ ដោយ២លើកអាចសម្រេចតែលើកក្រោយពុំបានជោគជ័យ ហេតុនេះបានជាពួកគេអស់ពេលលោតចេញទាន់។
អ្នកមុជទឹក២០នាក់ បានចូលរួមក្នុងប្រតិបត្តិការស្រង់យន្តហោះនេះដែលធ្លាក់ជិតឆ្នេរសមុទ្រស៊ីរី។ គេបានយកខ្សែកាបមកចងយន្តហោះ ដើម្បីទាញវាចេញពីទឹក។ នាវា៣គ្រឿងរបស់កងម៉ារីនរុស្ស៊ី ចូលរួមក្នុងប្រតិបត្តិការស្រង់ ហើយនាវាយោធាមួយមានដងស្ទូចក៏ចូលរួមដែរ៕
ចែករំលែកព័តមាននេះ