ADផ្ទាំងផ្សព្វផ្សាយពាណិជ្ជកម្ម

កាន់តែស្គាល់ច្បាស់ក្រោយនាំមកធ្វើត្រាប់ និងកាន់តែមានអ្នកចង់ប្រហារជីវិតឃាតករទៀត

7 ឆ្នាំ មុន

សៀមរាប
០៤ ខែ ឧសភា ឆ្នាំ ២០១៨ ម៉ោង ១១:៥៨

ខេត្តសៀមរាប ៖ សេចក្តីរាយការណ៍ឱ្យដឹងថា កម្លាំងសមត្ថកិច្ចចម្រុះបានបង្ហាញជនសង្ស័យ២នាក់ ដែលធ្វើសកម្មភាពសម្លាប់ប្លន់ថៅកែលក់គ្រឿងបន្លាស់រថយន្ត ដោយបាននាំមកធ្វើត្រាប់ នៅព្រឹកថ្ងៃទី៤ ឧសភា នេះ ស្ថិតនៅផ្ទះរបស់ជនរងគ្រោះក្នុងភូមិក្រួស សង្កាត់សា្វយដង្គំ ក្រុងសៀមរាប ដោយមានការដឹកនាំដោយលោកឧត្តមសេនីយ៍ត្រី ទិត្យ ណារ៉ុង ស្នងការ, នគរបាលខេត្តសៀមរាប និងសម្របសម្រួលដោយលោក ថេង សំណាង ព្រះរាជអាជ្ញារង អមសាលាដំបូងខេត្ត ។ សេចក្តីរាយការណ៍បន្តថា ជនសង្ស័យជាឃាតករទាំង២នាក់ ១-ឈ្មោះ សយ ឡុន ហៅជ្រូក អាយុ២៤
ឆ្នាំ (ជាជនដៃដល់) មានមុខរបរជាងដែក មានស្រុកកំណើតនៅភូមិដូនឡី ឃុំគៀនសង្កែ ស្រុកសូទ្រនិគម ខេត្តសៀមរាប បច្ចុប្បន្នស្នាក់នៅផ្ទះជួលភូមិសាលាកន្សែង សង្កាត់ស្វាយដង្គំ ក្រុងសៀមរាប និង២-ឈ្មោះ អ៊ុន ប៉ូឡូញ អាយុ៣៣ឆ្នាំ ជារត់ម៉ូតូឌុប មានទីលំនៅភូមិដំដែកលើ ឃុំដំដែក សង្កាត់សូទ្រនិគម ខេត្តសៀមរាប បច្ចុប្បន្នស្នាក់នៅបន្ទប់ជួលភូមិសាលាកន្សែង សង្កាត់ស្វាយដង្គំ ក្រុងសៀមរាប ។ រីឯជនរងគ្រោះ ដែលត្រូវឃាតករខាងលើនេះ ចាក់សម្លាប់ឈ្មោះពិត បារាំង អាយុ៤៣ឆ្នាំ ជាថៅកែលក់គ្រឿងបន្លាស់ រថយន្ត រស់នៅភូមិគ្រួស សង្កាត់ស្វាយដង្គំ ក្រុងសៀមរាប ។ប្រភពបន្តថា ខណៈជនសង្ស័យក្រោយចេញពីធ្វើត្រាប់វិញ ប្រុងឡើងលើរថយន្តដឹកទៅកាន់អធិការក្រុង នោះ ក៏ត្រូវបានបងប្អូនជនរងគ្រោះ នាំគ្នាស្ទាក់វាយម្នាក់១ដៃ១ជើង ព្រោះតែមានកំហឹងទៅលើជននេះ ហើយកុំបានកម្លាំងជួយឃាត់ កុំអីក្ស័យទៅហើយ ។ព័ត៌មានលម្អិតនឹងមានផ្សាយជួនបន្តលើទំព័រកាសែតកោះសន្តិភាព ។