រាជធានីភ្នំពេញ ៖ នារីវ័យក្មេងម្នាក់បានចង.កសម្លាប់ខ្លួន នៅក្នុងបន្ទប់ធ្វើឱ្យឪពុកម្តាយមានការសោកសង្រេងយ៉ាងខ្លាំង កាលពីវេលាម៉ោង០៩យប់ថ្ងៃទី១ ឧសភា នៅក្នុងបន្ទប់លើផ្ទះ ក្នុងភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ…
រាជធានីភ្នំពេញ ៖ នារីវ័យក្មេងម្នាក់បានចង.កសម្លាប់ខ្លួន នៅក្នុងបន្ទប់ធ្វើឱ្យឪពុកម្តាយមានការសោកសង្រេងយ៉ាងខ្លាំង កាលពីវេលាម៉ោង០៩យប់ថ្ងៃទី១ ឧសភា នៅក្នុងបន្ទប់លើផ្ទះ ក្នុងភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ ។ នារីដែលចង.កសម្លាប់ខ្លួននោះ ឈ្មោះ វណ្ណា និមល អាយុ១៨ឆ្នាំ ជាកម្មការិនីរោងចក្រ រស់នៅភូមិត្រពាំងអារក្ស សង្កាត់ឪឡោក ខណ្ឌពោធិ៍សែនជ័យ ឪពុកឈ្មោះ លុន វណ្ណា អាយុ៥២ឆ្នាំ ជាកសិករ និងម្តាយឈ្មោះ ប៉ូច គន្ធា អាយុ៥០ឆ្នាំ ជាកសិករ រស់នៅភូមិកើតហេតុខាងលើ ។
តាមក្រុមគ្រួសារសពបាននិយាយថា នៅមុនពេលកើតហេតុ២ ទៅ៣ថ្ងៃមុន នារីខាងលើមិនសូវមាត់.កអ្វី
ទេ ។ លុះនៅវេលាម៉ោង៦ល្ងាច នារីរងគ្រោះបានហូបបាយជាមួយបងប្អូនក្រុមគ្រួសារដូចធម្មតា ។ បន្ទាប់មក នាងបានឡើងទៅលើផ្ទះចូលក្នុងបន្ទប់របស់នាង ពេលម្ដាយឃើញកូនទៅសម្រាកតាំងពីក្បាលព្រលប់បែបនេះសង្ស័យថា កូនរបស់គាត់មិនស្រួលខ្លួន ក៏មិនចាប់អារម្មណ៍។
រហូតដល់ម៉ោងកើតហេតុ ស្ត្រីជាម្ដាយបានស្រែកហៅកូនពីក្រោមផ្ទះមិនឮឆ្លើយ ក៏ឡើងទៅដល់មុខបន្ទប់ ក៏នៅមិនឮសំឡេងកូនស្រីឆ្លើយទៀត ធ្វើឱ្យម្តាយឪពុកមានការសង្ស័យកាន់តែខ្លាំងបាននាំគ្នារុញទ្វារបន្ទប់ តែជាប់គន្លឹះពីខាងក្នុង ឪពុកម្ដាយក៏បានធាក់ទ្វារទម្លាយ ស្រាប់តែឃើញកូនរបស់គាត់បានចង.កស្លាប់បាត់ទៅហើយ ធ្វើឲ្យឪពុកម្ដាយក្រុមគ្រួសាររន្ធត់ចិត្តជាខ្លាំងស្រែកហៅអ្នកជិតខាងមកជួយកាត់ខ្សែទម្លាក់សពមកក្រោម ។
ដោយសារតែសេចក្តីស្រលាញ់ចំពោះកូនស្រីឪពុកម្ដាយ បានស្រែកទ្រហោយំ សោកស្តាយដ៏វិយោគ គឺរហូតដល់ថ្នាក់ស្ត្រីជាម្ដាយដួលសន្លប់ ។បងប្អូននៃសពបានបន្តទៀតថា គ្រួសាររបស់គាត់មានបងប្អូនចំនួន៦នាក់ ក្នុងនោះមានស្រី៥ និងប្រុសម្នាក់ ដោយកូនបងជាស្ត្រី អាយុ៣១ឆ្នាំ មានប្ដីហើយ និងកូនពៅជាស្រី អាយុទើប៧ឆ្នាំ ។ ចំណែកនារីដែលចងកសម្លាប់ខ្លួននេះជាកូនទី៣។ ចំពោះការចងកសម្លាប់ខ្លួននេះ ក្រុមគ្រួសារសពមិនបានដឹងថា កូនស្រីមានរឿងអី្វក្នុងចិត្តទេ ព្រោះនាងមិនបានបង្ហើបឲ្យសាច់ញាតិដឹងឡើយ ។
ទោះជាយ៉ាងណា ទាក់ទិននឹងការចងកសម្លាប់ខ្លួនរបស់នាងក្រមុំនេះ អ្នកជិតខាងសង្ស័យថា មានវិបត្តិស្នេហា ។ ក្រោយពេលកើតហេតុកម្លាំងនគរបាលប៉ុស្តិ៍បានមកដល់កន្លែងកើតហេតុ ពិនិត្យឃើញថា នាងក្រមុំនេះ ពិតជាចង.កសម្លាប់ខ្លួនមែន ក៏ប្រគល់សពឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ