នឹងបើកសន្និសីទបង្ហាញពីឃាតករយ៉ាងលម្អិត…
- សៀមរាប
ខេត្តសៀមរាប ៖ សេចក្តីរាយការណ៍បឋមឱ្យដឹងថា ទីបំផុត ឃាតករដែលសម្លាប់ថៅកែលក់គ្រឿងបន្លាស់រថយន្តនៅក្រុងសៀមរាប ត្រូវបានវែកមុខឃើញហើយ ។ នេះបើយោងតាមលោកឧត្តមសេនីយ៍ត្រី ទិត្យ ណារ៉ុង…
ខេត្តសៀមរាប ៖ សេចក្តីរាយការណ៍បឋមឱ្យដឹងថា ទីបំផុត ឃាតករដែលសម្លាប់ថៅកែលក់គ្រឿងបន្លាស់រថយន្តនៅក្រុងសៀមរាប ត្រូវបានវែកមុខឃើញហើយ ។ នេះបើយោងតាមលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្តសៀមរាបនាល្ងាចថ្ងៃទី០៣ ឧសភា នេះ ។ ហេតុការណ៍ឃាត់ខ្លួនជនសង្ស័យ ធ្វើឡើងកាលពីវេលាម៉ោង១រសៀលថ្ងៃទី៣ ឧសភា ស្ថិតនៅចំណុចភូមិថ្នល់ដាច់ ឃុំដានរុន ស្រុកសូទ្រនិគម ខេត្តសៀមរាប ។
បើតាមប្រភពពីសមត្ថកិច្ចម្នាក់ សុំមិនបញ្ចេញឈ្មោះបានប្រាប់ថា រឿងដែលសមត្ថកិច្ចឃាត់ខ្លួនជនដៃដល់ដែលសម្លាប់ថៅកែលក់គ្រឿងបន្លាស់រថយន្តនៅក្នុងក្រុងសៀមរាប កាលពីថ្ងៃទី២៣ មេសា កន្លងទៅថ្មីៗនេះ ត្រូវបានថ្នាក់លើមិនទាន់ឱ្យបញ្ចេញទេ ចាំដល់សួរនាំចប់ពិតជាម្នាក់នោះមែន ទើបថ្នាក់លើនឹងធ្វើសន្និសីទកាសែតនៅថ្ងៃទី៤ ឧសភា ស្អែកនេះ ។ លោកបន្តថា បន្ទាប់ពីសួរនាំជនសង្ស័យរូបនេះរួច បានសារភាពនៅចំពោះមុខសមត្ថកិច្ចថា រូបគេពិតជាបានសម្លាប់ថៅកែលក់គ្រឿងបន្លាស់នោះមែន តែយ៉ាងណានោះលោកមិនបានបញ្ជាក់លំអិតនោះទេ ដោយលោកថាកំពុងបន្តការសាកសួរឱ្យបានដិតដល់សិន ។
គួររំលឹកដែរថា ជនម្នាក់ដែលសមត្ថកិច្ចចាប់ខ្លួន កាលពីពេលកន្លងទៅនោះ ឈ្មោះ ព្រហ្ម សុព្រឹក្ស ហៅ ថាន ភេទប្រុស អាយុ២៨ឆ្នាំ (ជាអ្នករត់ម៉ូតូឌុប) កាលពីថ្ងៃទី២៥ មេសា នោះ ស្ថិតនៅចំណុចព្រៃគុយ ក្នុងឃុំអំពិល ស្រុកប្រាសាទបាគង ខេត្តសៀមរាប មិនមែនជាជនដៃដល់ពិតប្រាកដទេ គឺជននោះគ្រាន់តែជាសាក្សីតែប៉ុណ្ណោះ បច្ចុប្បន្នត្រូវបានដោះលែងវិញហើយ។
ព័ត៌មាននឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ