ចិន ៖ តាមប្រភពព័ត៌មាន Medium បានឲ្យដឹងថា តាចាស់ម្នាក់អាយុខ្ទង់៨០ឆ្នាំ ត្រូវបានកាមេរ៉ាវីដេអូសុវត្ថិភាពនៅក្នុងជណ្តើរយន្តថតបាន ពេលកំពុងចាប់នារីវ័យក្មេងម្នាក់ថើប។ ទង្វើនេះធ្វើឲ្យមហាជនមានការស្អប់ខ្ពើមយ៉ាងខ្លាំង ហើយមិនហ៊ានជះជណ្តើរយន្តថែមទៀតផង។
រឿងរ៉ាវនេះកើតឡើងនៅក្នុងទីក្រុង Shenzhen ដែលស្ថិតនៅអគារស្នាក់នៅមួយកន្លែង។ លោកតាចាស់ម្នាក់នោះត្រូវបានគេឃើញចាប់នារីម្នាក់ថើបនៅក្នុងជណ្តើរយន្ត។ តាមសម្តីនារីរងគ្រោះបានឲ្យដឹងថា លោកតាចាស់ម្នាក់នោះព្យាយាមចាប់នាងថើប តែមិនបានសម្រេច ដោយសារតែនាងប្រកែក ហើយតដៃតជើង។ ពេលនោះលោកតាចាស់នោះក៏សួរនាងថា «នាងចង់វាយយើងមែន?»។
អ្វីដែលកាន់តែហួសចិត្តនោះគឺថា នេះមិនមែនជាទង្វើលើកទីមួយរបស់ចាស់កំហូចខាងលើទេ។ អ្នកជិតខាងបង្ហើបថា តាម្នាក់នេះអ៊ីចឹងតាំងពីដើម។ តែខាងគ្រួសាររបស់គាត់ បានលើកឡើងថា នេះមកពីគាត់មានជំងឺវង្វេងស្មារតី។ ទោះបីជាយ៉ាងណាក៏ដោយ ប៉ូលិសបានសម្រេចចិត្តឃុំខ្លួនចាស់ខិលម្នាក់នោះរយៈពេល៥ថ្ងៃ មុននឹងដោះលែង៕
ចែករំលែកព័តមាននេះ