ខេត្តបាត់ដំបង ៖ ទិវាសេរីភាពសារព័ត៌មានពិភពលោកឆ្នាំ២០១៨ បានធ្វើឡើងនៅព្រឹកថ្ងៃទី០៣ ខែឧសភា ឆ្នាំ២០១៨ នៅសណ្ឋាគារសូហ្វីតែល ភូកេត្រា ក្រុងភ្នំពេញ ក្រោមការរៀបចំដោយអង្គការយូណេស្កូ ព្រមទាំងមានការចូលរួមពីលោកជំទាវបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី លោកថាច់ ផែន រដ្ឋលេខាធិការក្រសួងព័ត៌មាន ព្រមទាំងភ្ញៀវជាតិ អន្តរជាតិ និងអ្នកសារព័ត៌មានប្រមាណជាង១០០នាក់ បានមកចូលរួមផងដែរ។
ក្នុងនោះលោកស្រី Anne Lemaistre ប្រធានអង្គការយូណេស្កូប្រចាំកម្ពុជាបានមានមតិស្វាគមន៍អំពីការផ្សព្វផ្សាយរបាយការណ៍សិក្សាទូទៅស្តីពី «ឆ្ពោះទៅរកសមភាពយេនឌ័រ-ស្ត្រី និងវិស័យសារព័ត៌មាននៅកម្ពុជា» ដែលកន្លងមកស្ត្រី និងកុមារទទួលភាព និងកុមារទទួលភាពមិនស្មើគ្នា។ ជួនកាលរងគ្រោះដោយសារការផ្សព្វផ្សាយគ្មានតុល្យភាព ហើយជារៀងរាល់ឆ្នាំ យូណេស្កូតែងតែរួមសហការជាមួយក្លិបអ្នកកាសែតកម្ពុជា ជាមួយក្រសួងព័ត៌មានតែងតែរួមគ្នារំលឹកលើកស្ទួយវិស័យសារព័ត៌មាននៅកម្ពុជាឲ្យកាន់តែមានភាពសុក្រិត្យ ផ្តល់យុត្តិធម៌ដល់អ្នកងាយរងគ្រោះ លុបបំបាត់ដល់អ្នកសារព័ត៌មានណាដែលប្រាស់ចាកពីវិជ្ជាជីវ: និងក្រមសីលធម៌របស់ខ្លួនឲ្យមាននៅកម្រិតទាប និងជាចំណែកជួយស្ថាបនាដល់សង្គមជាតិដែលកំពុងមានការរីកចំរើនសព្វថ្ងៃផងដែរ។ ក្នុងពិភពលោកអ្នកសារព័ត៌មាន គឺជាគោលដៅសម្រាប់ផ្សព្វផ្សាយ និងសិទ្ធិទទួលបានព័ត៌មានកើតមាននៅតាមប្រទេសផ្សេងៗទៀតជំរុញឱ្យមានប្រសិទ្ធភាពនៅឆ្នាំ២០៣០ខាងមុខនេះ។
បន្ទាប់មកលោកជំទាវ Maria Sargren ឯកអគ្គរាជទូតស៊ុយអែតប្រចាំនៅកម្ពុជាបានបញ្ជាក់ថា ហេតុអ្វីយើងត្រូវមានសិទ្ធិនេះ?ហេតុអ្វីយើងត្រូវការពារអ្នកសារព័ត៌មាន?។ ដោយសារតាមអ្នកសង្កេតការណ៍អន្តរជាតិបានមើលឃើញថា កម្ពុជាមានការធ្លាក់ចុះលើវិស័យព័ត៌មានលំដាប់ថ្នាក់ទី១៣២មកនៅ១៤២លើពិភពលោក ហើយក្នុងនោះយេនឌ័រក្នុងវិស័យសារព័ត៌មានស្ត្រីនៅមានកំរិតទាបជាងបុរសកន្លងមក ។ ពេលនេះស្ត្រីកំពុងតែឈានឡើងទទួលចំណេះដឹងក្នុងវិស័យសារព័ត៌មានកើនឡើងជាងមុន។ បន្ទាប់មកទៀតលោកជំទាវ អ៊ឹង កន្ថាផាវី រដ្ឋមន្ត្រីក្រសួងកិច្ចការនារីមានប្រសាសន៍ថា ចង់បានស្ត្រីក្នុងវិស័យសារព័ត៌មាន អ្នកនិពន្ធចូលរួមជាមួយបុរសឱ្យបានច្រើន ដើម្បីរួមចំណែកក្នុងការប្រើប្រាស់ក្សេតស័ព្ទប៉ះពាល់ដល់ស្ត្រី និងភាពមិនត្រឹមត្រូវតាមវិជ្ជាជីវ: ក្រមសីលធម៌របស់ខ្លួន ដើម្បីរួមគ្នាទប់ស្កាត់ផ្សព្វផ្សាយ ចៀសវាងការប៉ះពាល់ប្រើអំពើហិង្សាដល់ស្ត្រីភេទ។
លោក ថាច់ ផែន រដ្ឋលេខាធិការក្រសួងព័ត៌មានបានថ្លែងថា ព្រះរាជាណាចក្រកម្ពុជាទទួលស្គាល់សិទ្ធិមនុស្ស និងកត្តសញ្ញាទាំងឡាយដែលមានសិទ្ធិដូចគ្នាចំពោះកុមារ ស្ត្រីគ្រប់ឋាន: សង្គម ជនណាក៏ដោយមិនអាចប្រើសិទ្ធិនេះ ដោយបំពានប៉ះពាល់ដល់បុគ្គល សន្តិសុខជាតិបានឡើយ ហើយក្រសួងព័ត៌មានបានផ្អែកយោងទៅតាមច្បាប់គ្រប់គ្រងតាមអនុក្រិតស្តីពីការរៀបចំច្បាប់ក្នុងព្រះរាជាណាចក្រកម្ពុជា។
លោក Jaldeep Katwala អ្នកគ្រប់គ្រងគំរោងបណ្តាញបណ្តុះបណ្តាលព័ត៌មានអាស៊ីអាគ្នេយ៍នៃអង្គការ Fojoបានបង្ហាញលទ្ធផលរបាយការណ៍សិក្សាទូទៅស្តីពី «ឆ្ពោះទៅរកសមភាពយេនឌ័រ ស្ត្រី និងវិស័យសារព័ត៌មាននៅកម្ពុជា។
ការពិភាក្សារួមវាគ្មិនមានលោកស្រី Sarah Knibbs នាយិកាស្តីអង្គការ Unwomen ប្រចាំនៅកម្ពុជា, លោកស្រី ឃិះ ធីតា នាយិការប្រតិបត្តិអង្គការ Silaka , លោកស្រី វួន សុវីរីយ៍ នាយិកាប្រតិបត្តិស្តីទីមណ្ឌលព័ត៌មានស្ត្រីកម្ពុជា, លោក ណុប វី នាយកស្តីទមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ, កញ្ញា លី យូអី ផលិតករវីដេអូឯកសារ បានធ្វើសំណួរចំលើយដោយផ្តោតទៅលើសមភាពយេនឌ័រស្ត្រី និងវិស័យព័ត៌មាននៅកម្ពុជា។
ចែករំលែកព័តមាននេះ