រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា មានហេតុការណ៍ប្រទះឃើញសពបុរសម្នាក់អណ្តែតទឹកកាលពីវេលាម៉ោងប្រមាណជា៧ព្រឹក ថ្ងៃទី៣ ខែឧសភា ឆ្នាំ២០១៨ នេះ ស្ថិតនៅក្នុងភូមិដើម.គ សង្កាត់ជ្រោយចង្វារ ខណ្ឌជ្រោយចង្វារ ។
តាមប្រភពព័ត៌មានពីកន្លែងកើតហេតុបានឱ្យដឹងដែរថា សពដែលប្រទះឃើញនោះអណ្តែតផ្កាប់មុខតែមិនទាន់ស្គាល់អត្តសញ្ញាណនៅឡើយទេ ក្រោយពេលប្រទះឃើញសមត្ថកិច្ចមូលដ្ឋានបានរាយការណ៍បន្តទៅកាន់សមត្ថកិច្ចជំនាញ ហើយបានជួលជនជាតិអ៊ីស្លាមស្រង់យកសពបុរសខាងលើយកទៅតម្កល់ទុកនៅវត្តប្រជុំសាគរ ហៅវត្តថ្មី ដើម្បីត្រួតពិនិត្យ ។
ទោះបីជាយ៉ាងណានៅមិនទាន់មានការបញ្ជាក់ថា សពបុរសខាងលើស្លាប់ដោយសារមូលហេតុអ្វីនោះទេ ខណៈដែលសមត្ថកិច្ចកំពុងស្រាវជ្រាវបន្ត ៕
ចែករំលែកព័តមាននេះ