ឥទ្ធិពលក្លិនធូរ៉េន ផ្អើលអស់មនុស្សរាប់រយនាក់ជម្លៀសចេញពីសាលា
អូស្ត្រាលី ៖ តាមប្រភពព័ត៌មាន Metro បានឲ្យដឹងថា សាកលវិទ្យាល័យ RMIT ប្រចាំទីក្រុងមែលប៊ន ប្រទេសអូស្ត្រាលី បានជម្លៀសនិស្សិត…
អូស្ត្រាលី ៖ តាមប្រភពព័ត៌មាន Metro បានឲ្យដឹងថា សាកលវិទ្យាល័យ RMIT ប្រចាំទីក្រុងមែលប៊ន ប្រទេសអូស្ត្រាលី បានជម្លៀសនិស្សិត និងបុគ្គលិកចេញពីអគារ ដោយសារតែច្រលំក្លិនធូរ៉េនជាមួយនឹងក្លិនហ្កាស។
ពួកគេបានហៅក្រុមពន្លត់អគ្គិភ័យមក៤០នាក់ ជាមួយនឹងអ្នកជំនាញជាច្រើននាក់ទៀត ដោយសារតែខ្លាចមានការលេចចេញនូវសារធាតុគីមី។ ក្រោយការពិនិត្យស្វែងរករួចមក ទើបដឹងថា វាជាក្លិនរបស់ផ្លែធូរ៉េនរលួយនៅក្នុងទូរដាក់ចាន។ វាសាយភាយពេញក្នុងអគារតាមរយៈម៉ាស៊ីនត្រជាក់។
ទោះបីជាយ៉ាងនេះក៏ដោយ ក៏ក្រុមពន្លត់អគ្គិភ័យបានលើកឡើងថា នៅក្នុងអគារនោះក៏មានឧស្ម័នពុលលាយជាមួយផងដែរ។ ពួកគេបានដោះស្រាយបញ្ហានេះបានដោយជោគជ័យ។
នេះប្រសិនបើខ្មែរយើងនៅទីនោះដែរ ប្រាកដជាដឹងថា ក្លិបអ្វីហើយ។ នរណាមិនដឹងក្លិនរបស់ធូរ៉េដ៏ឆ្ងាញ់នោះ!
ចែករំលែកព័តមាននេះ