អ៊ីរ៉ង់សច្ចាតបតវិញចំពោះរាល់ការវាយប្រហារ
ប្រទេសអ៊ីរ៉ង់៖ អ្នកទទួលខុសត្រូវអ៊ីរ៉ង់ម្នាក់ថ្លែងនាថ្ងៃទី២ឧសភានៅក្រុងដាម៉ាស់ថាប្រទេសរបស់លោកនឹងតបតវិញចំពោះរាល់ការវាយប្រហាររបស់អ៊ីស្រាអែលទោះជានៅពេលណាប្ញុកន្លែងណាក្នុងប្រទេសស៊ីរី។ ក្នុងសន្និសីទសារព័ត៌មានមួយនៅក្រុងដាម៉ាស់លោកALAEDDIN BOROUJERDIបើតាមប្រធានគណះកម្មការសន្តិសុខជាតិនិងនយោបាយការបរទេសនៃសភាអ៊ីរ៉ង់ព្រមានថាក្រុងតេហេរ៉ង់នឹងតបតវិញចំពោះរាល់ការវាយប្រហាររបស់អ៊ីស្រាអែលលើបណ្ដាទីតាំងស៊ីរីដែលមានវត្តមានពួកអ្នកជំនាញការអ៊ីរ៉ង់។រាល់ការវាយប្រហាររបស់ពួកស្យូនីស្តលើទីតាំងស៊ីរីទាំងឡាយដែលមានអ្នកជំនាញការយើងនោះយើងនឹងផ្ដល់សិទ្ធិតបតវិញ យើងនឹងបញ្ចេញប្រតិកម្មនៅពេលណាមួយនិងកន្លែងណាមួយ។ លោកបន្តថាប្រធានាធិបតីអាមេរិកលោកដូណាល់ត្រាំបានរំលោភបំពានកិច្ចព្រមព្រៀងស្ដីពីសំណុំរឿងនុយក្លេអ៊ែរអ៊ីរ៉ង់ដែលចុះហត្ថលេខាដោយអ្នកកាន់អំណាចមុនលោក។ក្នុងករណីមានទណ្ឌកម្មនានាប្រឆាំងអ៊ីរ៉ង់នោះនឹងគ្មានហេតុផលណាមួយមិនឲ្យយើងរាំងខ្ទប់កិច្ចព្រមព្រៀងនុយក្លេអ៊ែរឡើយ៕
ចែករំលែកព័តមាននេះ