ខេត្តកណ្តាល ៖ បុរសម្នាក់ត្រូវនគរបាលស្រុកស្អាងឃាត់ខ្លួន បន្ទាប់ពីប្រើហិង្សាដាល់ទៅលើនារីម៉ាស្សាកោសជប់ម្នាក់ (ជាសង្សារ) បណ្ដាលឱ្យរងរបួសយ៉ាងដំណំ ដោយសាតែរឿងប្រចណ្ឌ កើតឡើងកាលពីម៉ោង០៩ និង៣០នាទីយប់ថ្ងៃទី១…
ខេត្តកណ្តាល ៖ បុរសម្នាក់ត្រូវនគរបាលស្រុកស្អាងឃាត់ខ្លួន បន្ទាប់ពីប្រើហិង្សាដាល់ទៅលើនារីម៉ាស្សាកោសជប់ម្នាក់ (ជាសង្សារ) បណ្ដាលឱ្យរងរបួសយ៉ាងដំណំ ដោយសាតែរឿងប្រចណ្ឌ កើតឡើងកាលពីម៉ោង០៩ និង៣០នាទីយប់ថ្ងៃទី១ ឧសភា ស្ថិតនៅចំណុចផ្ទះភូមិលេខ១ក ឃុំស្វាយរលំស្រុកស្អាង ខេត្តកណ្តាល ។ នារីរងគ្រោះមាន ឈ្មោះ លី ផល្លា អាយុ២៥ឆ្នាំ ជាអ្នកកោសជប់និងម៉ាស្សា ។ រីឯជនសង្ស័យឈ្មោះ ពៅ បូរី ហៅឆាលី អាយុ២៨ឆ្នាំ ជាជាងដែក មានទីលំនៅភូមិព្រែកឡុង ឃុំរកាខ្ពស់ ស្រុកស្អាង ខេត្តកណ្ដាល ។
បើតាមនគរបាលស្រុកស្អាងបានឱ្យដឹងថា ជនសង្ស័យបានវាយនារីរងគ្រោះ បណ្តាលឱ្យមានស្នាមពកថ្ងាសខាងឆ្វេង១កន្លែងហើមជាំភ្នែកទាំងពីរ ស្នាមមុតក្រោមភ្នែកខាងឆ្វេងចំនួន១កន្លែង និងហើមបបូរមាត់ខាងលើចំនួន១កន្លែង ។
ប្រភពបន្តថា ជនរងគ្រោះនិងជនសង្ស័យជាសង្សារគ្នា រយៈពេល៤ខែ ហើយនៅថ្ងៃទី១ ឧសភា វេលា
ម៉ោង៩ និង៣០នាទីយប់ ជនរងគ្រោះកំពុងកោសជប់និងម៉ាស្សាឱ្យភ្ញៀវម្នាក់ក្នុងផ្ទះខាងលើ ។ ស្រាប់តែជនសង្ស័យស្រវឹងស្រា បានទៅរករឿងនាងដល់កន្លែងកោសជប់ ដោយប្រចណ្ឌជាមួយភ្ញៀវមកម៉ាស្សាកោសជប់នោះ ហើយបានស្រែកហៅឱ្យនាងចេញក្រៅបន្ទប់ ប៉ុន្ដែមិនបានចេញក្រៅ ទើបជនសង្ស័យចូលក្នុងផ្ទះកោសជប់ ហើយបានចាប់វាយនាងតែម្តង ។
ចែករំលែកព័តមាននេះ