តាមប្រភពពីសារព័ត៌មានបរទេសកាលពីពេលថ្មីៗកន្លងមកផ្សាយថា រឿង «Avengers : Infinity War» ដែលជាប្រភេទរឿងវីរបុរសដែលផលិតដោយ «Marvel» អាចរកចំណូលក្នុងរយៈពេល៣ថ្ងៃដំបូងនៅអាមេរិកបានចំនួន៣០០លានដុល្លារ បំបែកឯតទគ្គកម្មលើរឿង«STAR…
តាមប្រភពពីសារព័ត៌មានបរទេសកាលពីពេលថ្មីៗកន្លងមកផ្សាយថា រឿង «Avengers : Infinity War» ដែលជាប្រភេទរឿងវីរបុរសដែលផលិតដោយ «Marvel» អាចរកចំណូលក្នុងរយៈពេល៣ថ្ងៃដំបូងនៅអាមេរិកបានចំនួន៣០០លានដុល្លារ បំបែកឯតទគ្គកម្មលើរឿង«STAR WARS: THE FORCE AWAKENS» ក្នុងសប្ដាហ៍ដំបូងនៅអាមេរិកក្នុងឆ្នាំ២០១៥ រកចំណូលបាន២៤៨លានដុល្លារ ។
បើបូករួមនឹងចំណូលនៅបរទេសក្នុងរយៈពេលចុងសប្ដាហ៍កន្លងមក ឃើញថារឿង «Avengers : Infinity War» អាចរកចំណូលខ្ពស់ដល់ទៅ៦៣០លានដុល្លារដែលវាជាកំណត់ត្រាខ្ពស់១បំបែកឯតទគ្គកម្មរឿង «Fast and Furious 8» មានចំណូលនៅចុងសប្ដាហ៍ដំបូងកាលពីខែមេសា ឆ្នាំ២០១៧ បានចំនួន៥៣០លានដុល្លារ ។
ក្រៅពីនេះក៏មានចំណុចគួរឲ្យចាប់អារម្មណ៍មួយពីចំណូលសរុបនៅទីផ្សារបរទេសរបស់រឿង«Avengers : Infinity War» នេះមិនបានរួមបញ្ចូលចំណូលពីប្រទេសចិន គឺជាទីផ្សារភាពយន្តដ៏ធំក្នុងលំដាប់ទី២ នៅលើពិភពលោកបន្ទាប់ពីអាមេរិក ។ រឿង «Avengers : Infinity War» នឹងកំណត់ដាក់បញ្ចាំងក្នុងប្រទេសចិននៅថ្ងៃទី១១ ខែឧសភា ឆ្នាំ២០១៨ ៕
ចែករំលែកព័តមាននេះ