អភិបាលខេត្តចូលរួមគោរពវិញ្ញាណក្ខន្ធលោកយាយអាយុ៨៣ឆ្នាំមានកូនចៅដល់ទៅជិត១០០នាក់
- កំពង់ចាម
ខេត្តកំពង់ចាម ៖ អភិបាលខេត្តកំពង់ចាម លោក គួច ចំរើន កាលពីថ្ងៃអាទិត្យកន្លងមកនេះ បានអញ្ជើញទៅគោរពវិញ្ញាណក្ខន្ធ លោកយាយ ហេង…
ខេត្តកំពង់ចាម ៖ អភិបាលខេត្តកំពង់ចាម លោក គួច ចំរើន កាលពីថ្ងៃអាទិត្យកន្លងមកនេះ បានអញ្ជើញទៅគោរពវិញ្ញាណក្ខន្ធ លោកយាយ ហេង លេងហៀប អាយុ៨៣ឆ្នាំ ដែលក្នុងក្រុមគ្រួសារលោកយាយមានកូនចៅ ចៅទួត ចៅលួត សរុបរហូតដល់ចំនួន៩៤នាក់ នៅភូមិចុងបឹង ឃុំព្រែកដំបូក ស្រុកស្រីសន្ធរ ។
ក្រោយគោរពវិញ្ញាណក្ខន្ធរួច លោកអភិបាលក៏បានបន្តចុះពិនិត្យការដ្ឋានស្ថាបនាផ្លូវបេតុង៧០B តភ្ជាប់ពីឃុំព្រែកពោធិ៍ ទៅឃុំព្រែករំដេង ប្រវែង១៦គីឡូម៉ែត្រ ដែលស្ថាបនារួចរាល់បានប្រមាណ៩០០ម៉ែត្រ ស្ថិតស្រុកស្រីសន្ធរ ។
លោក គួច ចំរើន បានបញ្ជាក់ថា ការដ្ឋានស្ថាបនាផ្លូវបេតុង៧០Bមួយខ្សែនេះ ជាអំណោយដ៏ថ្លៃថ្លារបស់ សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈក្រុមហ៊ុន ប៉េង ហ៊ួត ហើយបើតាមគម្រោងកំណាត់ផ្លូវមួយខ្សែនេះ នឹងស្ថាបនាឲ្យបានរួចរាល់ក្នុងរយៈពេលមួយឆ្នាំ ដើម្បីដាក់ឲ្យបងប្អូនប្រជាពលរដ្ឋបានធ្វើដំណើរបានស្រួល ៕
ចែករំលែកព័តមាននេះ