ពិព័រណ៍អាហារស្លាបព្រាលើកទី២ ឆ្នាំ២០១៨ នឹងចាប់ផ្តើមរយៈពេល២ថ្ងៃ
- ភ្នំពេញ
រាជធានីភ្នំពេញ ៖ ពិព័រណ៍អាហារស្លាបព្រាលើកទី២ នឹងប្រព្រឹត្តឡើងរយៈពេល២ថ្ងៃ គិតចាប់ពីថ្ងៃទី៥ ដល់ថ្ងៃទី៦ ខែឧសភា ឆ្នាំ២០១៨ នៅទីតាំង ២០៤០…
រាជធានីភ្នំពេញ ៖ ពិព័រណ៍អាហារស្លាបព្រាលើកទី២ នឹងប្រព្រឹត្តឡើងរយៈពេល២ថ្ងៃ គិតចាប់ពីថ្ងៃទី៥ ដល់ថ្ងៃទី៦ ខែឧសភា ឆ្នាំ២០១៨ នៅទីតាំង ២០៤០…
រាជធានីភ្នំពេញ ៖ ពិព័រណ៍អាហារស្លាបព្រាលើកទី២ នឹងប្រព្រឹត្តឡើងរយៈពេល២ថ្ងៃ គិតចាប់ពីថ្ងៃទី៥ ដល់ថ្ងៃទី៦ ខែឧសភា ឆ្នាំ២០១៨ នៅទីតាំង ២០៤០ ផ្សារកុងទីន័រ ចាប់ពីម៉ោង៤រសៀលដល់ម៉ោង១០យប់ ដោយរំពឹងទុកថា មានអ្នកចូលរួម១៦,០០០នាក់។
«ស្លាបព្រា» ដែលត្រូវបានរៀបចំឡើងដោយក្រុមហ៊ុន ឌិ អាយឌៀ ខនសាល់ធេនស៊ី ឯ.ក គឺជាពិព័រណ៍ម្ហូបអាហារដ៏ធំជាងគេបង្អស់ក្នុងព្រះរាជាណាចក្រកម្ពុជាដែលមានស្តង់លក់ប្រមាណជាង ១៦០ ហើយក្នុងនោះផងដែររួមមានស្តង់ម្ហូបអាហារ ភេសជ្ជៈ និងសកម្មភាពកម្សាន្តផ្សេងៗជាច្រើនទៀត។ ស្លាបព្រា ពិព័រណ៍ម្ហូបអាហារដ៏ធំជាងគេបង្អស់របស់កម្ពុជា ត្រូវបានឧបត្ថម្ភធំដោយក្រុមហ៊ុនWing និង NagaWorld។ ពិព័រណ៍នេះ ត្រូវបានគាំទ្រ និងចូលរួមបើកសម្ភោធកម្មវិធីក្រោមអធិបតីភាពរបស់ឯកឧត្តម ថោង ខុន រដ្ឋមន្ត្រីក្រសួងទេសចរណ៍ផងដែរ។
លោកហ្គាឡេណូឈួ អគ្គនាយកក្រុមហ៊ុនឌិ អាយឌៀ និងត្រូវបានចាត់ទុកជាអ្នកឯកទេសល្បីឈ្មោះលើសាជីវកម្មដែលមានទំនួលខុសត្រូវសង្គម (ហៅកាត់ថា ស៊ី អេស អ) ជឿជាក់ថា ការធ្វើជំនួញដ៏ល្អអាចនឹងត្រូវធ្វើឡើងក្នុងអំឡុងពេលដែលមានឥទ្ធិពលវិជ្ជមានរបស់សង្គមទៅលើសហគមន៍ «នេះជាសហគមន៍ និងគម្រោងអភិវឌ្ឍន៍សេដ្ឋកិច្ច យើងកំពុងលើកកម្ពស់ផលិតផលដែលផលិតនៅកម្ពុជាផ្តល់ជំនាញទន់ដល់អាជីវករ និងលើកទឹកចិត្តពីវិទ្យាសាស្ត្រច្នៃប្រឌិតម្ហូបអាហារ និងការធ្វើអាជីវកម្មនៅកម្ពុជា។ យើងទទួលជោគជ័យនៅពេលអ្នកលក់របស់យើងទទួលជោគជ័យ» ។
កញ្ញា សៀង ស្រីពេជ អ្នករៀបចំកម្មវិធីនេះបានមានប្រសាសន៍ថា៖ «មូលដ្ឋានចម្បងបំផុតរបស់យើងក្នុងឆ្នាំនេះ គឺកាត់បន្ថយកាកសំណល់ និងផ្តល់ការអប់រំជាសាធារណៈ ជាពិសេសក្នុងការលាងដៃ និងការរៀបចំម្ហូបអាហារ ដើម្បីបង្ការជំងឺ។ ៦០%នៃជំងឺនៅក្នុងប្រទេសកម្ពុជាអាចចៀសវាងបានដោយគ្រាន់តែលាងដៃ និងអាហាររបស់អ្នក»។
ស្លាបព្រានឹងក្លាយជាពិព័រណ៍ម្ហូបអាហារធំបំផុតនៅតំបន់អាស៊ាននៅឆ្នាំ២០២០ និងលើកកម្ពស់ដល់វិស័យទេសចរណ៍ និងពាណិជ្ជកម្មក្នុងតំបន់។ សូមបញ្ជាក់ថា ក្រុមហ៊ុន ឌិ អាយឌៀ ខនសាល់ធេនស៊ី ឯ.ក ត្រូវបានបង្កើតឡើងក្នុងឆ្នាំ ២០១៦ ឌិ អាយឌៀ ជាក្រុមហ៊ុនសង្គមមួយដែលបានរីកចម្រើនក្លាយជាក្រុមហ៊ុនទីផ្សារឈានមុខគេមួយរបស់ប្រទេសកម្ពុជា ដែលធ្វើការជាមួយរដ្ឋាភិបាល និងសាជីវកម្មនៅទូទាំងពិភពលោកចាប់ពីមជ្ឈឹមបូព៌ា ញូវហ្សេឡេន សហរដ្ឋអាមេរិក និងឥណ្ឌា។ ឌិ អាយឌៀ ក៏បានគាំទ្រដល់ក្រុមអ្នកស្ម័គ្រចិត្តជាតិដែលមានអ្នកស្ម័គ្រចិត្តវ័យក្មេងជាង ១៥០០ នាក់ នៅក្នុងរាជធានីភ្នំពេញដែរ ដើម្បីសម្រេចបាននូវគោលដៅសង្គមនៅក្នុងបរិស្ថាន ការថែទាំសុខភាព និងសិល្បៈនៅកម្ពុជា៕
ចែករំលែកព័តមាននេះ